Jekeshelendirýden túsken qyrýar qarjy Ulttyq qorǵa tústi me
Otyrys barysynda QR Qarjy mınıstri Baqyt Sultanov jekeshelendirý boıynsha esep berdi. Baıandama sońynda Úkimet basshysy oǵan: "2017 jyly 108 mlrd teńgege 190 nysan satylǵan. Elbasy birneshe márte aıtty, jekeshelendirýden túsken qarjynyń barlyǵy Ulttyq qorǵa aýdarylýy qajet. 108 mlrd Ulttyq qorǵa ketti me? Joq, álde satylǵan jerde qalyp qoıdy ma?", - degen saýalyn joldady.
Qarjy mınıstri sál bógelgennen keıin: "Baqytjan Ábdiruly, ...respýblıkalyq menshiktegi satylǵan nysandar boıynsha barlyq túsken aqsha Ulttyq qorǵa jiberilgen bolatyn. Ol - 7 mlrd...5 mlrd myna...Sońǵy aıda ótken...Osy qańtar aıynda taǵy 5 mlrd Ulttyq qorǵa jiberiletin bolady. Biraq tıisti qaýly bar. Endi, ulttyq xoldıngtermen problema áli bar. Tıisti Úkimet qaýlysyn qazir Ulttyq ekonomıka mınıstrligi daıyndap jatyr. Ony qabyldaǵannan keıin qajetti sheshimder qosymsha qabyldanady", - dep atap kórsetti Baqyt Sultanov.
QR Premer-Mınıstri jekeshelendirýden túsken qarjyny Ulttyq qorǵa aýdarý týraly Memleket basshysynyń tapsyrmasyn oryndaý qajettigine basa nazar aýdardy.
