Jekeshelendirý: jyl basynan beri 27 nysan satyldy

NUR-SULTAN. QazAqparat – QR Qarjy mınıstri Erulan Jamaýbaev qansha memlekettik nysannyń jekeshelendirýge qoıylǵanyn málim etti, dep habarlaıdy QazAqparat tilshisi.

«Jekeshelendirýdiń 2021-2025 jyldarǵa arnalǵan keshendi josparynda 673 nysandy satý kózdelgen», - dedi Qarjy mınıstri búgingi Úkimet otyrysynda.

Mınıstrdiń aıtýynsha, jyl basynan beri 16,7 mlrd teńgege 27 nysan satyldy jáne keıinnen satyp alý quqyǵymen senimgerlik basqarýǵa berildi.

«36 nysan satylymǵa qoıyldy. 5 nysan taratylýǵa jiberildi. Aldaǵy ýaqytta 605 nysandy ótkizý kerek», - dedi Erulan Jamaýbaev.

Buǵan deıin Qarjy mınıstri memlekettik aýdıt nátıjesinde qarjylyq buzýshylyqtar anyqtalǵanyn málimdegen edi.

«87 mlrd teńgege qarjylyq buzýshylyqtar anyqtaldy. Taýarlardy jetkizý, qyzmetterdi kórsetý jáne jumystardy oryndaýdy qalpyna keltirý, bıýdjetke óteý jáne esepke alý jolymen 68 mlrd teńgege buzýshylyqtar joıyldy. Aýdıt nysandary qyzmetiniń tıimdiligin jetildirý jáne arttyrý úshin 1 227 usynym berildi», - deıdi E. Jamaýbaev.