10:48, 12 Sáýir 2022 | GMT +6
Jekeshelendirý jospary aıasynda 228 nysan 60 mlrd teńgege satyldy
NUR-SULTAN. QazAqparat – Jekeshelendirý jospary aıasynda 228 nysan 60 mlrd teńgege satyldy, dep habarlaıdy QazAqparat tilshisi.
Bul týraly búgin Úkimet otyrysynda QR Qarjy mınıstri Erulan Jamaýbaev aıtty.
«Jekeshelendirýdiń 2021-2025 jyldarǵa arnalǵan keshendi josparynda 721 nysandy satý kózdelgen bolatyn. Esepti kezeńde jalpy sany 670 nysannan 228 nysan 60 mlrd teńge somaǵa satyldy jáne keıinnen satyp alý quqyǵymen senimgerlik basqarýǵa berildi», - dedi Erulan Jamaýbaev.
Mınıstrdiń dereginshe, qazirgi ýaqytta 74 nysan satylymǵa shyǵarylǵan.
«Munan bólek, 52 nysan qaıta uıymdastyryldy jáne taratyldy. 316 nysan satylýy tıis», - dedi ol.