Jekeshelendirý jospary: 2020 jyly 76 nysan satylady

NUR-SULTAN. QazAqparat – 2016-2020 jyldarǵa arnalǵan Jekeshelendirý jospary 93% oryndaldy. Bul týraly QR Qarjy mınıstri Erulan Jamaýbaev aıtyp berdi, dep habarlaıdy QazAqparat tilshisi.

«Ótken 11 aıda 10,1 trln teńgege memlekettik satyp alý rásimi kameralyq baqylaýmen qamtyldy. Tekserý qorytyndylary boıynsha 806 mlrd teńge bolatyn buzýshylyqtar eskertildi. Aýdıt nysandary qyzmetiniń tıimdiligin jetildirip, arttyrý úshin 1 712 usynym berildi. Onyń ishinde 1 339-i oryndaldy», - dedi E. Jamaýbaev Úkimet otyrysynda.

2016-2020 jyldarǵa arnalǵan Jekeshelendirýdiń keshendi jospary 93%-ke oryndaldy. 2020 jyly 76 nysandy satý josparlanýda. Onyń 37-si satylymǵa shyǵaryldy.

Sonymen birge, jyl basynan beri 100,9 mlrd teńge somasynda 8 nysan satyldy, 29 nysan satylymda tur.

«7 nysan qaıta uıymdastyrýǵa jáne taratýǵa jiberildi. 10 nysan jyl sońyna deıin satýǵa qoıylady. 20 nysan boıynsha iske asyrý merzimi 2021-2024 jyldarǵa aýystyryldy. 2 nysan boıynsha Jekeshelendirýdiń keshendi josparynan alyp tastaý týraly usynys maquldandy» - deıdi Qarjy mınıstri.