Jekeshelendirý memlekettiń ekonomıkadaǵy úlesin 14% deıin qysqartady -Álıhan Smaıylov
«Memlekettiń ekonomıkadaǵy úlesin qysqartý – ekonomıkalyq saıasattyń mańyzdy baǵyttarynyń biri. Sondyqtan, jekeshelendirý máselesi memlekettik organdardyń birinshi basshylarynyń erekshe baqylaýynda bolýy tıis. Keshendi jospardy iske asyrý 2025 jylǵa qaraı memlekettiń ekonomıkadaǵy úlesin 14% deıin qysqartýǵa múmkindik beredi», - dedi Á. Smaıylov Úkimettiń búgingi otyrysynda.
Premerdiń aıtýynsha, satýǵa qoıylǵan árbir nysan boıynsha jol kartasy ázirlendi. Olar memlekettik múlik tiziliminiń veb-portalynda ornalastyrylǵan. Endi aktıvterdi básekeles naryqqa josparly túrde shyǵarýdy qamtamasyz etý qajet.
«Nysandardy satý aldyndaǵy daıyndyq sapasyna da kóbirek kóńil bólý kerek. Keshendi jospardy tolyqqandy iske asyrý úshin jekeshelendirý protsesiniń ashyqtyǵyn arttyrý qajet. Ókinishke oraı, keıbir óńirler jospardy oryndaı almaı otyr.
Bul – Mańǵystaý jáne Aqtóbe oblystary. Memlekettik organdar, óńir ákimdikteri, kvazımemlekettik sektor uıymdary jospardy naqty oryndaýy qajet. Jyl qorytyndysy boıynsha jumystaryńyzǵa tıisti baǵa beriledi», - deıdi Á. Smaıylov.
Foto: primeminister.kz
