Jekeshelendirý qarjysy tikeleı Ulttyq qorǵa aýdarylýy kerek - Prezıdent
«Ákimdikter, mınıstrlikter, ulttyq kompanııalar jekeshelendirýge qatysty turaqty túrde tizimdi qaıta qaraý men merzimdi keıinge shegerý týraly ótinishhat jasaýda. Jekeshelendirý josparynan 127 nysan shyǵarylǵan, onyń ishinde 2019 jyly 20 nysan bolǵan. Qarjy jáne Ulttyq ekonomıka mınıstrlikteri vedomstvolyq qaramaǵyna qaramastan, jekeshelendirýdiń barlyqa protsesiniń naqty monıtorıngi men baqylaýyn retke keltirýi tıis. Jekeshelendirý tizimin keńeıtý kerek», - dedi Prezıdent Úkimettiń keńeıtilgen otyrysynda.
Osy oraıda, Q. Toqaev jekeshelendirý qadamdary ádil ári ashyq júrgizilýi qajettigin qadap aıtty.
«Aktıvterdi jekeshelendirýden túsken qarjy bolashaq urpaq úshin tikeleı Ulttyq qorǵa baǵyttalýy kerek. Sonymen qatar, Ulttyq qor qyzmetterin qaıtalýǵa jol berilmeýi tıis», - dedi Memleket basshysy.
Budan buryn habarlanǵandaı, Prezıdent Ulttyq qorǵa balama bolatyn qosymsha ınstıtýttardy qurýǵa ruqsat berilmeıtinin aıtty.
