Jekeshelendirý: 36 memlekettik nysan satylymǵa qoıyldy

ASTANA. QazAqparat – Qańtar-mamyr aılarynda memleket menshigindegi 369 nysan jekeshelendirýge berildi. Bul týraly Qarjy mınıstri Erulan Jamaýbaev aıtty, dep habarlaıdy QazAqparat tilshisi.

Jekeshelendirýdiń 2021-2025 jyldarǵa arnalǵan keshendi josparynda 669 obektini satý kózdelgen.

«Esepti kezeńde 312 mlrd teńge somasyna 369 obekt satyldy jáne keıinnen satyp alý quqyǵymen senimgerlik basqarýǵa berildi. Taǵy 36 obekti satýǵa qoıyldy», - dedi Qarjy mınıstri Úkimettiń búgingi otyrysynda.

Mınıstrdiń aıtýynsha, 62 obekti qaıta uıymdastyrýǵa jáne taratýǵa jiberildi. Al 202 obekti satý aldyndaǵy daıyndyqta tur.

Buǵan deıin Qarjy mınıstri bıýdjettiń 383 mlrd teńgesine aýdıt júrgizilgenin, onyń 55 mlrd teńgesinen buzýshylyqtar anyqtalǵanyn aıtqan edi.