10:08, 09 Jeltoqsan 2021 | GMT +6
Jekeshelendirý: 112 nysan satylymǵa qoıyldy
NUR-SULTAN. QazAqparat – Jekeshelendirýdiń keshendi jospary aıasynda 112 nysan satylymǵa qoıyldy. Bul týraly Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.
«Jekeshelendirýdiń 2021-2025 jyldarǵa arnalǵan keshendi josparynda 733 nysandy satý kózdelgen. Esepti kezeńde somasy 52 mlrd teńgege 197 nysan satyldy jáne keıinnen satyp alý quqyǵymen senimgerlik basqarýǵa berildi», - dedi mınıstr.
Onyń dereginshe, memleket menshiginde bolǵan 112 nysan satylymǵa qoıyldy.
«16 nysan qaıta uıymdastyrýǵa jáne taratylýǵa jiberildi. Aldaǵy ýaqytta 348 nysandy satý kerek», - dedi Erulan Jamaýbaev.
