Jekeshelendiremiz dep josparlaǵan nysandardyń jartysyna jýyǵy satyldy - mınıstr

ASTANA. QazAqparat – Jekeshelendirý josparyna sáıkes, 307 mlrd teńgege 367 obekt satyldy. Bul týraly QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Jekeshelendirýdiń 2021-2025 jyldarǵa arnalǵan keshendi josparynda 669 obektini satý kózdelgen. Esepti kezeńde 307 mlrd teńgege 367 obekt satyldy jáne keıin satyp alý quqyǵymen senimgerlik basqarýǵa berildi», - dedi E. Jamaýbaev Úkimettiń búgingi otyrysynda.

Qarjy mınıstriniń aıtýynsha, 35 obekti satýǵa qoıyldy, 62 obekti qaıta uıymdastyrýǵa jáne taratýǵa jiberildi.

Sonymen birge, 205 obekti satý aldyndaǵy daıyndyqta tur.

Buǵan deıin Qarjy mınıstri qańtar-aqpan aılarynda memlekettik bıýdjetke 3,4 trln teńge túskenin, bıýdjettiń 101 mlrd teńgesi ıgerilmeı qalǵanyn aıtqan edi.

Oǵan qosa, jyl basynan beri 4,5 mlrd teńgege qarjylyq buzýshylyqtar anyqtalǵan.