Jekemenshik mektepterdegi oqý aqysyna shekteý belgilendi — Oqý-aǵartý mınıstrligi
ASTANA. KAZINFORM — QR Oqý-aǵartý mınıstrliginde memlekettik bilim berý tapsyrysyn alatyn jekemenshik mektepterdegi oqý aqysynyń shekti mólsherin belgileý tártibin Oqý-aǵartý vıtse-mınıstri Jaıyq Sharabasov Ortalyq kommýnıkatsııalar qyzmeti alańynda ótken brıfıngte túsindirdi.
Vıtse-mınıstrdiń aıtýynsha, jekemenshik mektep pen ata-ana arasyndaǵy qarym-qatynasty retteıtin negizgi qujat — shart bolyp esepteledi. Onda oqý protsesiniń máni, merzimi, tólem tártibi jáne taraptardyń quqyqtary men mindetteri naqty kórsetiledi.
— Shart — negizgi qujat, onda bilim berý qyzmetiniń máni, merzimderi, tólem tártibi, ata-analardyń jarnasy kólemi, sondaı-aq taraptardyń quqyqtary men mindetteri aıqyndalady, — dedi Jaıyq Sharabasov.
Sonymen qatar ol memlekettik bilim berý tapsyrysyn alatyn jekemenshik mektepter úshin ata-analardan alynatyn oqý aqysynyń mólsheri zańnamamen shekteletinin atap ótti.
— Memlekettik bilim berý tapsyrysyn alatyn jekemenshik mektepterge qatysty aıtar bolsaq, Qazaqstan Respýblıkasynyń zańnamasyna sáıkes bastaýysh, negizgi orta jáne jalpy orta bilim berý baǵdarlamalaryn iske asyratyn mektepterde ata-analardan alynatyn tólem mólsheri 1200 aılyq eseptik kórsetkishten (AEK) aspaýy tıis, — dedi vıtse-mınıstr.
Aıta keteıik, jekemenshik mektepterdi qarjylandyrý boıynsha anyqtalǵan zańbuzýshylyqtar 13 mlrd teńgeden asqany belgili boldy.
