Jekemenshik mektepter men medıtsınalyq uıymdardy sýbsıdııalaýda alaıaqtyq keńinen taraǵan - Bektenov
ASTANA. KAZINFORM – Jekemenshik mektepter men medıtsınalyq uıymdardy sýbsıdııalaýda alaıaqtyq keńinen taraǵan. Bul týraly búgin Úkimet otyrysynda Premer-mınıstr Oljas Bektenov aıtty.
Úkimet basshysynyń atap ótýinshe, Prezıdenttiń «Turkistan» gazetine bergen suhbatynyń aýqymdy bóligi áleýmettik máselelerge arnalǵan. Memleket basshysynyń tapsyrmasyna sáıkes, barlyq áleýmettik mindetteme tolyq kólemde oryndalatyn bolady.
- Sonymen qatar jekemenshik mektepter men jekemenshik medıtsınalyq uıymdardy sýbsıdııalaý saıasatyn qaıta qaraý qajettigine nazar aýdaryldy. Arttyq qarjylandyrýdy toqtatý qajet. Adal básekelestikte jumys isteı almasa, bizge mundaı bıznestiń qajeti bar ma? Bul salada alaıaqtyq keńinen taralyp ketkeni bárine málim. Oqý-aǵartý, Densaýlyq saqtaý jáne Qarjy mınıstrlikterine bir apta ishinde atalǵan máselelerdi sheshýge qatysty naqty usynystar engizýdi tapsyramyn, - dedi ol.
Sondaı-aq Úkimet basshysy Eńbek jáne halyqty áleýmettik qorǵaý mınıstrligine ákimdiktermen birlesip, járdemaqylar men tólemderdi taǵaıyndaý kezinde alaıaqtyq jaǵdaılaryn boldyrmaýǵa baǵyttalǵan keshendi sharalar qarastyrýdy tapsyrdy.
- Іshki ister mınıstrligi tsıfrlyq tehnologııalardy engize otyryp, joldar men qoǵamdyq oryndardaǵy quqyq buzýshylyqtardy anyqtap, aldyn alý jumystaryn kúsheıtsin. Oqý-aǵartý mınıstrligi jol qozǵalysy erejelerin oqytý baǵdarlamalaryna engizýdi jalǵastyrýy kerek, - dedi Oljas Bektenov.
Aıta keteıik, keshe «Turkistan» gazetinde Memleket basshysy Qasym-Jomart Toqaevtyń atalǵan basylymnyń bas redaktory, belgili aqyn, pýblıtsıst Baýyrjan Babajanulyna bergen keń kólemdi suhbaty jarııalandy.
Suhbat barysynda Prezıdent jekemenshik mektepterdi memleketten qarjylandyrý júıesin reformalaý kerektigin, jekemenshik medıtsına salasynda da osyǵan uqsas ahýal qalyptasqanyn aıtty.
