Jekemenshik ǵylymı uıymdardyń ǵalymdary da 56 kúndik eńbek demalysyn alady — zań jobasy

ASTANA. KAZINFORM — Memlekettik tapsyrys alatyn jekemenshik ǵylymı uıymdardyń ǵalymdaryna da 56 kúndik aqyly eńbek demalysy berilmek. Bul týraly Májilistiń jalpy otyrysynda «QR-nyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly» zań jobasyn tanystyrǵan depýtat Ashat Aımaǵambetov aıtty. 

— Qazirgi tańda memlekettik ǵylymı uıymdardyń máselen, ǵylym doktorlary 56 kúndik aqyly eńbek demalysyn alady. Al jekemenshik uıymdarda ondaı mindet joq. Sondyqtan kóbi tipti 30 kúnge jýyq eńbek demalysyna shyǵyp otyr. Endi biz memlekettik tapsyrys alatyn jekemenshik ǵylymı uıymdarda da dál osy 56 kúndik eńbek demalysyn berýdi usynyp otyrmyz. Ǵylym ortaq, talap ta, quqyq ta ortaq bolýy tıis, — dedi Ashat Aımaǵambetov.

Májilis depýtatynyń aıtýynsha, ǵalymdardyń qyzmetin derbes josparlaýyna, nátıjelerin erkin jarııalaýyna, akademııalyq erkindigine baılanysty quqyqtary boıynsha naqty normalar qarastyrylyp otyr.

Aıta keteıik, atalǵan zań jobasy aıasynda ǵylymı jobany bastaý merzimin naqty sol kelisimshart bastalǵan kúnnen belgileý kózdelgen.