Jekemenshik bilim berý uıymdarynyń jartysynan astamy qaýipsizdik júıesin qospaǵan

ASTANA. KAZINFORM — Óńir ákimderi bilim berý uıymdaryn lıtsenzııalanǵan kúzetpen, týrnıkettermen, jedel basqarý ortalyqtaryna qosylǵan kameralarmen jabdyqtaýy qajet. Bul týraly Úkimet otyrysynda Premer-Mınıstr Oljas Bektenov aıtty.

«Oqý jyly bastalǵansha, fızıka, hımııa, bıologııa, robototehnıka boıynsha 1000-ǵa jýyq pándik kabınet satyp alynýy kerek. Óńir ákimdikteri Oqý-aǵartý mınıstrligimen birlesip, barlyq mektepte zamanaýı pándik kabınetterdi ashý úshin keshendi jańǵyrtý jumystaryn ýaqtyly qamtamasyz etýi qajet. Bul jumysqa salǵyrt qaraýǵa bolmaıdy», - dedi Oljas Bektenov.

Munymen qosa Úkimet basshysy bıyl bilim berý obektileriniń qaýipsizdigin qamtamasyz etý jónindegi nusqaýlyqtyń talaptary keńeıtilgenin eske saldy.

«Sonymen qatar, búginde jekemenshik bilim berý uıymdarynyń jartysynan astamy qaýipsizdik júıelerimen qamtamasyz etilmegen. Óńir ákimderi bilim berý uıymdaryn lıtsenzııalanǵan kúzetpen, týrnıkettermen, jedel basqarý ortalyqtaryna qosylǵan kameralarmen jabdyqtaýy qajet. Іshki ister mınıstrligi osy baǵytta tekserýlerdi jalǵastyrsyn. 1 qyrkúıekke qaraı qaýipsizdik júıelerimen jabdyqtaý úlesin 90 paıyzǵa deıin qamtamasyz etip, jyl sońyna deıin 100 paıyzǵa jetkizý kerek», - dedi Premer-Mınıstr.