Jekemenshiktegi barlyq gıdrotehnıkalyq nysandar tıisti baqylaýda - QR TJM
ANA. 15 shilde. QazAqparat /Rýslan Ǵabbasov/ - Jekemenshiktegi barlyq gıdrotehnıkalyq nysandar tıisti baqylaýda.
Bul týraly búgin Qazaqstandaǵy tótenshe jaǵdaılardy eskertý jáne ony joıý boıynsha vedomstvoaralyq memlekettik komıssııa otyrysy barysynda bolǵan brıfıngte QR Tótenshe jaǵdaılar vıtse-mınıstri Janbolat Smaıylov aıtty.
Onyń sózine qaraǵanda, elimizdegi kommýnaldyq, jekemenshiktegi jáne oblystyń qaraýyndaǵy gıdrotehnıkalyq nysandardyq barlyǵy baqylýǵa alyndy. Atap aıtqanda respýblıka aýmaǵyndaǵy osy sý qoımalarynyń jaǵdaıyna QR AShM Sý resýrstary komıteti monıtorıng júrgizedi. Sonymen qatar sý qoımalaryna Tótenshe jaǵdaı mınıstrligi de tıisti qadaǵalaý sharalaryn atqarady.
«Búginde bizdiń mınıstrlik Parlamentke «Azamattyq qorǵaý týraly» zań jobasyn engizbek. Onda biz sý qoımalaryna baılanysty barlyq máselelerdi qamtyp otyrmyz. Barshamyz Qyzylaǵashtaǵy qaıǵyly oqıǵa jaıynda bilemiz jáne osydan keıin bul baǵyttaǵy jumystar jandana tústi»,-dedi ol.
J. Smaıylovtyń sózine qaraǵanda, qazirgi kezde elmiz boıynsha 150-ge tarta gıdrotehnıkalyq nysandar bar. Al qalǵandary kommýnaldyq menshiktiń qaraýynda.
«Búginde biz jekemenshiktegi sý qoımalar boıynsha úlken jumystardy atqarýdamyz. Árıne, gıdrotehnıkalyq nysandardyń qaýipsizdigine ınvestıtsııa salýda jekemenshik ıeleri tarapynan asa qulshynys baıqalyp otyrǵan joq. ıAǵnı, osyny moıyndaý kerek. Alaıda, biz bul baǵyttaǵy jumysty jalǵastyramyz»,-dedi vıtse-mınıstr. Osy oraıda ol búginde jekemenshiktegi barlyq gıdrotehnıkalyq nysandar tıisti baqylaýda ekenin jetkizdi.
