Jekemenshik úı turǵyny men 3 qutqarýshy ıis tıip qaza tapty
ASTANA. QazAqparat - Kemerovo oblysynda ýly gazdyń saldarynan ıis tıip 4 adam qaza tapty, olar - jeke turǵyn úı ıesi jáne ony jer qoımadan shyǵarmaqshy bolǵan Reseı TJM úsh qyzmetkeri.
Bul týraly Reseı Tergeý komıtetiniń óńir boıynsha tergeý basqarmasynyń saıtynda habarlandy.
25 shildede, seısenbide Tıajınsk aýdanynda jekemenshik úıdiń jerqoımasynan 75 jastaǵy er adamnyń múrdesi tabyldy. Oqıǵa ornyna jedel tergeý toby men qutqarýshylar jetti. TJM 4 qyzmetkeri múrdeni syrtqa shyǵarý úshin jerqoımaǵa tústi. Alaıda birneshe ýaqyttan keıin olar baılanysqa shyqpaı qaldy.
Ekinshi jasaq jerqoımadan 4 qaza tapqan adamnyń múrdesin syrtqa alyp shyqty. Taǵy bir qutqarýshy ýlanǵan belgilermen aýrýhanaǵa jatqyzyldy.
Kúndiz er adam jerqoımaǵa túsip, shyǵa almaǵan, týystary TJM kómekke shaqyrǵan.
