Jekemenshik turǵyn úılerdegi órt saldarynan tórt bala kóz jumdy - QR TJM
ASTANA. 21 tamyz. QazAqparat - Almaty oblysynyń Qapshaǵaı qalasynda keshe «Rybprom» JShS-niń agrarlyq tsehynda 200 sharshy metrge taraǵan órt boldy, dep habarlaıdy QR TJM-nen.
Órt bir saǵattan keıin joıyldy. Ony sóndirýge QR TJM Almaty oblystyq TJD-niń órt sóndirý qyzmetindegi jeke quramnyń 12 qyzmetkeri men 3 tehnıka birligi jáne QR Qorǵanys mınıstrligi áskerı bóliminiń 13 adamy men 3 tehnıkasy jumyldyryldy.
Órt saldarynan termııalyq kúıik shalǵan úsh jumysshy aýrýhanaǵa jatqyzyldy.
Qyzylorda oblysynyń Áıtekebı kentinde úıdiń aýlasynda turǵan vagon órtene bastady. Órt bir saǵattan keıin tolyǵymen joıyldy.
Onymen QR TJM Qyzylorda oblystyq TJD órt sóndirý qyzmetindegi jeke quramnyń 15 adamy men 3 tehnıkasy kúresti. Jalyn tili 36 sharshy metrge taraǵan. Oqıǵa ornynda 3 jasar balanyń múrdesi anyqtaldy.
Shyǵys Qazaqstan oblysynyń Medvedka aýylynda búgin túnde turǵyn úıde órt boldy. Ol bir saǵattan keıin aýyzdyqtalyp, taǵy 4,5 saǵattan keıin tolyq joıyldy. Onymen kúreste QR TJM Shyǵys Qazaqstan oblystyq TJD órt sóndirý qyzmetindegi jeke quramnyń 8 adamy men 2 tehnıka birligi jumyldyryldy.
Órt aýmaǵy 80 sharshy metrdi qurady. Oqıǵa ornynda 14, 9 jáne 3 jasar balalardyń múrdeleri anyqtaldy.
