Jekemenshik turǵyn úıde bolǵan órt tórt adamnyń ómirin qıyp ketti, onyń ishinde náreste bar - TJM
ASTANA. Jeltoqsannyń 9-y. QazAqparat - Petropavl qalasyndaǵy jekemenshik turǵyn úıden shyqqan órtte bir otbasynyń músheleri qaza tapty, onyń ishinde 5 jasar náreste bar,
dep habarlaıdy QazAqparat TJM baspasóz qyzmetine silteme jasap.
Jeltoqsannyń 9-y kúni 1 saǵat 23 mınýtta Teplovoznaıa, 22 meken-jaıynda ornalasqan jekemenshik turǵyn úıdiń 70 sharshy metr aýmaǵyna jaıylǵan órtti sóndirý barysynda 31 jastaǵy eki, 20 jastaǵy bir adamnyń jáne 5 jasar sábıdiń deneleri tabyldy.
Baspasóz qyzmetinen málimdegendeı, turǵyn úı shpaldan turǵyzylǵan.
Tilsiz jaý QR TJM Soltústik Qazaqstan oblysy boıynsha TJD órtke qarsy qyzmetiniń kúshimen 3 saǵat 10 mınýttan keıin jeke quramdaǵy 15 adam jáne 3 tehnıkanyń kúshimen aýyzdyqtaldy.
