Jekemenshik sý qoımalaryna da memleket tarapynan qatań baqylaý júrgiziletin bolady - N.Qapparov
ASTANA. QazAqparat - Jekemenshik sý qoımalaryna da memleket tarapynan qatań baqylaý júrgiziletin bolady. Bul týraly búgin Úkimet otyrysynda QR Qorshaǵan orta jáne sý resýrstary mınıstri Nurlan Qapparov málim etti.
«Qazirgi ýaqytta Senat depýtattarynyń qaraýynda «Azamattyq qorǵaý týraly» zań jobasy jatyr. Ona biz Qorshaǵan orta jáne sý resýrstary mınıstrligine menshik nysanyna qaramastan kez kelgen sý qurylǵylaryna baqylaý júrgizýge múmkindik beretin norma qarastyrylǵan», - dedi ol. N.Qapparovtyń sózine qaraǵanda, elimizde 465 sý qoımasy bar. Onyń 75-i respýblıkalyq menshikke jatady. Al Qorshaǵan orta jáne sý resýrstary mınıstrligi sý kólemi 1 mln. tekshe metrden asatyn qoımalarǵa baqylaý júrgizedi. «Bul jaıtta Kókpekti sý qoımasy jekemenshik bolatyn ári ol jerde bizdiń baqylaýdyń bolmaǵandyǵy belgili. Degenmen, atalǵan zań qabyldanǵannan keıin menshik nysanyna qaramastan kez kelgen sý qurylǵysy bizdiń baqylaýda bolady», - dedi mınıstr.
