Jekemenshik mektep salý arqyly bilim oshaqtaryndaǵy oryn tapshylyǵyn sheshýge bolady
Spıker atap ótkendeı, elimizdegi oqýshylar sany jyl saıyn artyp keledi, sondyqtan orta bilim berý salasyndaǵy mańyzdy mindetterdiń biri - tolyp ketken memlekettik mektepterdiń júktemesin azaıtý, sondaı-aq bilim berý sapasyn arttyrý úshin kúreste mektepter arasynda salaýatty básekelestikti damytý.
Aıta ketsek, Qazaqstanda 2019-2021 jyldary 94 696 oryndy 287 jekemenshik mektep ashyldy, onyń 41-i Almatyda.
Alpamys Satybaldınniń aıtýynsha, 2018 jyldan bastap jeke menshik bilim berý uıymdarynda orta bilim berýge memlekettik bilim berý tapsyrysyn ornalastyrý múmkindigi zańdy túrde bekitildi.
Jeke menshik mektepter úshin jan basyna shaqqandaǵy qarjylandyrý ádistemesimen jan basyna shaqqandaǵy normatıv aıqyndaldy.
Ádistemege sáıkes jan basyna shaqqandaǵy normatıvtiń mólsheri eki komponentten turady:
- memlekettik jalpyǵa mindetti bilim berý standartyn (MJMBS) iske asyrýǵa arnalǵan operatsııalyq shyǵystar. Jańadan iske qosylatyn jekemenshik mektepter úshin aǵymdaǵy jylǵa normatıv orta eseppen 532 myń teńge;
- jylyna jańadan engizilgen árbir oqýshy orny úshin ǵımarattyń amortızatsııasyna arnalǵan shyǵystar:
- qurylys kezinde – 96 AEK (294 myń teńge),
- rekonstrýktsııa kezinde – 47 AEK (143 myń teńge).
«Qarjy ortalyǵynyń ókili qazirgi ýaqytta «Damý» kásipkerlikti damytý qory arqyly jataqhanalardy da, jekemenshik mektepterdi de salý jáne rekonstrýktsııalaý boıynsha banktik qaryzdardy sýbsıdııalaý tetigi jumys istep turǵanyn habarlady. Sonymen qatar, ınvestordyń balanyń mektepte bolýynyń jaqsartylǵan jaǵdaılaryn usynǵany úshin ata-ana tólemaqysyn alýǵa quqyǵy bar. Memleketten tóleý merzimi ótkennen keıin obekt qurylys salýshynyń menshiginde qalady. Obektiniń nysanaly maqsatyn ózgertýge aýyrtpalyqty 20 jyl merzimge tirkeý jalǵyz shart bolady»,- dedi Alpamys Satybaldın.
