Jekemenshik qolyndaǵy paıdalanylmaı jatqan jerlerdi qaıtaryp alý kerek - M.Eleýsizov
ASTANA. 11 naýryz. QazAqparat /Marlan Jıembaı/ - Jekemenshik qolyndaǵy paıdalanylmaı jatqan jerlerdi qaıtaryp alý kerek.
Bul týraly búgin «BNews.kz» portalynda ótken onlaın-konferentsııa barysynda QR Prezıdenttigine kandıdat Mels Eleýsizov aıtty.
Qunarly jerlerdi jeke menshikke berýge qarsy bolǵandyǵyn atap ótken ol: «Jerdi ıelenip, degenmen onda eshteńe istemeıtin, satý úshin utymdy sátti kútetin adamdardan ony qaıtaryp alý kerek. Olarǵa jumsaǵan shyǵyndaryn ǵana tóleý qajet. Al jer onda jumys isteýge nıeti bar adamdarda bolǵany durys», - dedi.
Bul oraıda onyń pikirinshe, turǵyndardyń dıqanshylyqpen aınalysýy úshin jaǵdaı jasap, óz ónimderin satýǵa qol úshin bergen abzal. Sondaı-aq 20 jyldan astam óz tikeleı aınalysyp kele jatqan qorshaǵan ortany qorǵaý máselesine de toqtalǵan M.Eleýsizov ekologııa týraly zańnamaǵa ózgeris engizý qajet dep sanaıdy. Degenmen Qorshaǵan ortany qorǵaý mıınstrliginiń bul baǵytta atqaryp jatqan jumystaryna kózqarasy oń ekendigin de jasyrmady.
