Jekemenshik bankterdi memleket esebinen qarjylandyrýdy doǵarý qajet - QR Prezıdenti

ASTANA. QazAqparat - Jekemenshik bankterdi memleket esebinen qarjylandyrýdy doǵarý qajet. Bul týraly búgin 6-shy shaqyrylǵan QR Parlamentiniń úshinshi sessııasynyń ashylýynda sóz sóılegen Elbasy Nursultan Nazarbaev aıtty, dep habarlaıdy QazAqparat.

«Bankterdiń barlyǵy da jekemenshik. Jumys istegenimen, jetekke alýǵa týra keletindeı jaǵdaıǵa tústi. Endi memleket taǵy qarjylandyrýda. Muny toqtatý kerek, eń durysy bul bankterdi joıyp, olarǵa tólegenshe ózimizge alǵan jón. Ózi jumys istep, paıda taýyp otyrǵan jekemenshikterdi biz ne úshin sýbsıdııalaýǵa tıispiz? Qazir basqa júıe. Barlyǵy da eger sen jekemenshik bolsań, onda tolyqtaı óziń jaýap beretindigin túsiný qajet. Bankrot pa - onda bankrot, tıimdi jumys isteı almaısyń degen sóz. Dál osy jolǵa túseıik. Óıtkeni, bizde basqa jol joq», - dedi Nursultan Nazarbaev.

Aıta keteıik, munan bólek Elbasy Nursultan Nazarbaev Ulttyq banktiń quzyretin aıtarlyqtaı keńeıtýdi usynǵan bolatyn.