Jekemenshik balabaqshalardy lıtsenzııalaý tártibi qaıta engiziledi - Prezıdent
«Jekemenshik balabaqshalarda balalardy uryp-soǵý derekteri bar. Sonymen qatar, jumys istemeıtin balabaqshalarǵa qarjy bólý kóbeıip ketti. Munyń bári olardyń qyzmeti ashyq emes ekenin, azamattyq jaýapkershilik joqtyǵyn kórsetedi. Basqasha aıtqanda, qoǵam talabyna saı emes», - dedi Memleket basshysy.
QR Prezıdenti 2011 jyly balabaqshalardyń lıtsenzııa boıynsha jumys isteý tártibi toqtatylǵanyn, memleket bul qadamǵa amalsyzdan barǵanyn aıtty.
«Óıtkeni, mektep jasyna deıingi balalardy balabaqshamen barynsha qamtýymyz kerek boldy. Bul rette, jeke sektordyń áleýetin paıdalaný mańyzdy edi. Nátıjesinde 2 jáne 6 jas aralyǵyndaǵy balalardyń 88 paıyzdan astamy balabaqshamen qamtyldy. Endi qyzmet kórsetý sapasyn arttyratyn kez keldi. Úkimet osy máseleni muqııat qarastyrýy kerek. Lıtsenzııalaý tártibin qaıta engizý, eń aldymen, memleketke emes, qoǵamǵa qajet shara. Óıtkeni, basty maqsat – balalardyń qaýipsizdigin qamtamasyz etý», - dedi Qasym-Jomart Toqaev.
