Jekemenshik balabaqshalardaǵy órt qaýipsizdigin kim qadaǵalaıdy
NUR-SULTAN. QazAqparat – Nur-Sultan qalasynyń Tótenshe jaǵdaılar departamenti bastyǵynyń orynbasary Qýanar Bazarbaev jekemenshik balabaqshalardaǵy órt qaýipsizdigine qatysty pikir bildirdi, dep habarlaıdy QazAqparat.
Elordanyń qalalyq máslıhatynda tótenshe jaǵdaılardyń aldyn alý jáne órt qaýipsizdigi máseleleri jónindegi turaqty komıssııanyń otyrysy ótti. Sharada máslıhat depýtattary tarapynan qaladaǵy 272 jeke menshik balabaqshada órt qaýipsizdigi qanshalyqty saqtalatyny týraly saýal qoıyldy. Máslıhat ókilderi jekemenshik tárbıe oshaqtarynyń túrli ǵımarattarda ornalasqanyn alǵa tartyp, ol ǵımarattarda apattyq jaǵdaıǵa arnalǵan esiktermen jabdyqtalýyn kim qadaǵalaıtynyn surady.
«Jeke menshik balabaqshalardy búgingi tańda biz teksermeımiz. Nege deseńiz, Elbasynyń qoly qoıylǵan moraıtorıı qaýlysy bar. Al eger turǵyndar tarapynan resmı aryz tússe, biz tekseremiz. Aryz negizinde Tótenshe jaǵdaı mınıstrine hat jazamyz. Mınıstrdiń ruqsaty kelgennen keıin tekserýge shyǵamyz», - dep jaýap berdi Nur-Sultan qalasynyń Tótenshe jaǵdaılar departamenti bastyǵynyń orynbasary Qýanar Bazarbaev.
