Jekelegen sanattarǵa jatatyn astanalyq turǵyndar Tuńǵysh Prezıdent kúni oraı aqshalaı kómek alady
ASTANA. 26 qarasha. QazAqparat - Astana qalasynyń bıýdjetinen aqsha túrindegi áleýmettik kómekke 125 mln. teńge qarastyrylǵan.
Astana qalasynyń resmı saıtynyń habarlaýynsha, bul týraly búgin «Báıterek» halyqaralyq medıa ortalyǵynda Tuńǵysh Prezıdent kúnin merekeleý aıasynda áleýmettik aktsııa ótkizýge arnalǵan baspasóz máslıhatynda qalalyq Jumyspen qamtý jáne áleýmettik baǵdarlamalar basqarmasy bastyǵynyń orynbasary Lázzat Ábýova málim etti.
«Aqsha túrinde áleýmettik kómek turǵyndardyń kelesi sanatyna: 20 myń teńge - 322 Uly Otan soǵysynyń qatysýshysy men múgedegine, 10 myń teńge - UOS, aýǵan, chernobyl múgedekterine - 1906 adam, Uly Otan soǵysy jyldary tyldaǵy janqııarlyq eńbegi men minsiz áskerı qyzmeti úshin KSRO-nyń ordenderimen, medaldarymen marapattalǵan 4629 adam, tyl eńbekkerlerine, UOS qaza tapqan jaýyngerlerdiń jesirleri men ekinshi ret nekege turmaǵan áıelderine - 399 adam, beıbit kúnde kóz jumǵan áskerı qyzmetshilerdiń otbasylaryna - 269 adam, eki birdeı nemese jalǵyz ata-anasynan aıyrylǵan jetim balalarǵa - 645 bala, 18 jasqa deıingi eki jáne odan da kóp balasy bar kópbalaly 3527 otbasyna berildi. Osy maqsattarǵa Astana qalasy bıýdjetinen 125 mln. teńge bólindi», - dedi ol.
