Jekelegen sanattar úshin qansha grant bólindi – BǴM
NUR-SULTAN. QazAqparat – QR Bilim jáne ǵylym mınıstrligi abıtýrıentterdiń jekelegen sanattaryna qansha grant bólinetinin jarııalady, dep habarlaıdy QazAqparat tilshisi.
QR Bilim jáne ǵylym vıtse-mınıstri Fatıma Jaqypova bilim berý granttaryn bólýde jekelegen sanattar úshin arnaıy granttar bólinetinin habarlady.
«Kvotaǵa quqyǵy bar abıtýrıentter arasynda ata-anasyz qalǵan 521 bala, І jáne ІІ toptaǵy múgedektigi bar 377 bala, soǵys ardagerlerine teńestirilgenderdiń balalary – 15 jáne QR azamaty bolyp sanalmaıtyn qazaq ultynyń balalary – 872», - dedi F. Jaqypova Bilim berý granttaryn bólý týraly QR BǴM respýblıkalyq oyrysynda.
Vedomstvonyń habarlaýynsha, kópbalaly otbasylardan shyqqan adamdar men ataýly áleýmettik kómek alýshylar úshin qosymsha 5 myń grant negizgi konkýrstan keıin beriledi.
Buǵan deıin habarlanǵandaı, 2019-2020 oqý jylyna 53 785 grant bólindi. Konkýrsqa 64 452 talapker qatysýda, onyń ishinde 52 337 adam qazaq tili bólimine, 11 757 – orys bólimine, 87 – aǵylshyn tilinde bilim alǵysy keledi.
