Jekelegen mekemelerdiń káriz sýy eskirtkige tekserilýi múmkin
ASTANA. KAZINFORM – Іshki ister mınıstrligi Esirtki qylmysyna qarsy is-qımyl komıteti tóraǵasynyń orynbasary Qýandyq Áljanov ortalyq kommýnıkatsııalar qyzmetinde ótken baspasóz máslıhatynda joǵary oqý oryndarynyń sarqyndy sýyn esirtkige tekserý jobasy týraly pikir bildirdi.
- Bul tásil Astana qalasynyń mysalynda shynymen de synaqtan ótkizildi. Onymen basqa mınıstrliktegi áriptesterimiz aınalysty. Árıne, ondaı tásil de kerek. Sarqyndy sýǵa taldaý júrgizý arqyly esirtki qoldanýshylardyń bar-joǵyn anyqtaıtyn tásil shynymen bar. Biraq qarajatty qajet etedi, - dedi komıtet ókili.
Sondaı-aq ázirge bul tásil ІІM jumysyna engizilmegenin aıtty.
- Onyń ústine zańnama turǵysynan negiz kerek. Ol máseleni biz esirtkimen kúrestiń 2026-28 jyldarǵa arnalǵan keshendi josparyna engizemiz. Qazir osy tásildi engizip jatyrmyz dep aıta almaımyz. Tek talqylaý, josparlaý satysynda turǵan másele bul, - dedi Qýandyq Áljanov.
Ataı keteıik, Іshki ister mınıstrligi esirtki plantatsııalaryn ońaı anyqtaý úshin 2026-2028 jyldary dron satyp almaqshy.