Jeke jáne zańdy tulǵalarǵa kórsetiletin memlekettik qyzmetterdiń jańa tizilimi bekitildi

ASTANA. Shildeniń 23-i. QazAqparat - Qazaqstan Respýblıkasy Úkimetiniń qaýlysymen QR Ekonomıkalyq damý jáne saýda mınıstrligi jasap shyǵarǵan jeke jáne zańdy tulǵalarǵa kórsetiletin memlekettik qyzmetterdiń jańa redaktsııadaǵy tizilimi bekitildi.

Osyǵan deıin bekitilgen memlekettik qyzmetter tizilimi tek 133 túrdi ǵana qamtyp, aryzdardy qabyldaý men rásimdelgen qujattardy berýge baǵyttalǵan qyzmetter týraly aqparatty ǵana usyna aldy, dep habarlady EDSM baspasóz qyzmetinen.

Jańa tizilim densaýlyq saqtaý, bilim berý, aýyl jáne turǵyn úı sharýashylyǵy, elektrondyq aqparattyq resýrstar, jer qatynastary, turǵyndardyń áleýmettik qorǵalýy salalarynda, sonymen qatar, tirkeý jóninde qyzmetter, qujattardy rásimdeý, anyqtamalar berý jáne basqa da salalarǵa qatysty 206 memlekettik qyzmet túrin qamtıdy.