Jeke úılerdi gazǵa qosý qyzmeti eselep arzandaıdy - QazaqGaz

NUR-SULTAN. QazAqparat – Jeke úılerdi gazǵa qosý qyzmetiniń quny eselep arzandaıdy. Bul týraly Májilistegi Úkimet saǵatynda «QazaqGaz» UK» AQ Basqarma tóraǵasy Sanjar Jarkeshov málim etti, dep habarlaıdy QazAqparat tilshisi.

Májilistegi Úkimet saǵatynan keıin tilshiler kompanııa basshysyna elordada gazǵa qosý qyzmeti qunynyń arzandaýy múmkindigine qatysty suraq qoıdy.

«2022 jyldyń 1 qańtaryna deıin «QazTransGaz Aımaq» básekelestik naryqqa qatysqan bolatyn. Olar gazdy úıdiń ishine deıin qosýdy qamtamasyz etken. Olardyń qyzmeti 1 qańtarda toqtaǵan, óıtkeni QR Básekelestikti qorǵaý jáne damytý agenttigi saladaǵy básekelestikke nuqsan keltiresińder degen ýáj aıtqan. Qazirgi kezde agenttik bul máselege baılanysty túsinistik tanytyp otyr. Osy oraıda «QazTransGaz Aımaq» kompanııasy qaıtadan osy naryqtaǵy qyzmetin jandandyrýy múmkin. Bul rette gazdy úıge tartý qyzmetiniń quny arzandaýy yqtımal», - dedi S. Jarkeshev.

Osy oraıda ol jeke úılerdi gazǵa qosý qyzmetine tólem somasy eselep arzandaıtynyn atap ótti.

«Bizdiń qyzmettiń quny - 113 myń teńge. Al jeke merdigerler 400-450 myń teńge shamasynda gazǵa qosyp júr. Osy oraıda básekelestiktiń arqasynda bul qyzmettiń quny 3 ese arzadaıdy degen oıdamyz. Qazaqstan boıynsha bekitilgen bir baǵa qalyptaspaq», - basqarma tóraǵasy.