Jeke úı salý úshin 40 myń jer ýchaskesine kommýnıkatsııa tartylady

NUR-SULTAN. QazAqparat – Jeke úı salý úshin 40 myń jer ýchaskesine kommýnıkatsııa tartylady. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Kezekte turǵan azamattardyń baspana máselesin tezirek sheshý úshin «Nurly jer» baǵdarlamasynda jeke turǵyn úı qorynan jaldaý aqysyn sýbsıdııalaý tetigin qarastyrý usynylady. Bul úshin «Nurly jer» baǵdarlamasy aıasynda jaldamaly turǵyn úı qurylysyna qarastyrylǵan qarajatty qaıta baǵyttaý usynylyp otyr. Shamamen 100 myń azamatqa qoldaý kórsetiledi», - dedi mınıstr.

Onyń aıtýynsha, atalǵan tetik «Otbasy banki» arqyly júzege asyrylady.

«Jeke qurylys salýdy yntalandyrý úshin «Nurly jer» baǵdarlamasy aıasynda azamattarǵa jeke qurylys salýǵa bólinetin 40 myń jer ýchaskesine kommýnıkatsııalar tartylady. Qajetti qujattardy ýaqytyly qalyptastyrýdyń naqty júıesi jasalady», - dedi Beıbit Atamqulov.