Jeke Ulttyq ǵarysh agenttigi quryla ma

ASTANA. QazAqparat – QR Premer-Mınıstriniń birinshi orynbasary Roman Sklıar Májilis depýtatynyń jeke Ulttyq ǵarysh agenttigin qurýǵa qatysty saýalyna jaýap berdi, dep habarlaıdy QazAqparat tilshisi.

«Qazirgi ýaqytta Tsıfrlyq damý, ınnovatsııalar jáne aeroǵarysh ónerkásibi mınıstrligine ǵarysh salasynda basshylyqty júzege asyrý jáne salaaralyq úılestirý bóliginde qoıylǵan mindetterdi iske asyrý úshin jetkilikti ókilettikter berilgen. Buǵan qosa, ǵarysh salasyn tsıfrlandyrý, baılanys, elektrondy ónerkásip, geodezııa jáne kartografııamen bir memlekettik organǵa biriktirý oń sınergetıkalyq áserge ıe. Máselen, ǵarysh salasynyń ónimderi men qyzmetteri (ǵaryshtyq sýretter men JQZ derekteri) artyq bıýrokratııasyz birin-biri tolyqtyratyn baǵyttarda belsendi paıdalanylady», - dedi Roman Sklıar.

Sondaı-aq onyń aıtýynsha, ýákiletti organnyń janynan ǵylymı-zertteý bazasyn qurý úshin Úkimet V.Fesenkov atyndaǵy Astrofızıkalyq ınstıtýtty, Ionosfera jáne ǵarysh tehnıkasy men tehnologııalary ınstıtýttaryn Tsıfrlyq damý, ınnovatsııalar jáne aeroǵarysh ónerkásibi mınıstrliginiń qaramaǵyna berý týraly sheshim qabyldady.

2030 jylǵa deıingi Memlekettik basqarý tujyrymdamasynda (Memleket basshysynyń 26.02.2021 jylǵy № 522 Jarlyǵy) memlekettik apparatty odan ári ońtaılandyrý kózdelgenin eskere otyryp, jeke Ulttyq ǵarysh agenttigin qurý qazirgi ýaqytta tıimsiz dep sanaımyz», - dedi ol.