Jeke tutynýǵa arnalǵan sálem-saýqattardy poshtamen Keden odaǵy memleketteriniń shekarasy arqyly joldaý baj salyǵynsyz jáne salyqsyz júzege asyrylady
SANKT-PETERBOR. Tamyzdyń 10-y. QazAqparat /Elena Mıagkova/ - Jeke tulǵalardyń óz jeke tutynýyna arnalǵan sálem-saýqattardy poshtamen Reseı Federatsııasynyń Belarýs Respýblıkasymen jáne Qazaqstan Respýblıkasymen memleketteriniń shekaralary arqyly joldaý budan bylaı baj salyǵynsyz jáne salyqsyz júzege asyrylatyn bolady.
Reseıdiń Federaldyq keden qyzmetiniń baspasóz qyzmetinen habarlaǵandaı, Reseı, Belarýs jáne Qazaqstannyń aýmaǵynda biryńǵaı kedendik keńistik kúshine engennen bastap, Keden odaǵyna qatysýshy barlyq úsh eldiń aýmaǵynda «Jeke tulǵalardyń jeke tutynýlary úshin taýarlardy Keden odaǵynyń kedendik shekarasy arqyly joldaýdyń jáne olardy joldaýmen baılanysty kedendik operatsııalardyń reti týraly kelisim» kúshine endi.
Bul qujatqa sáıkes, Keden aýmaǵynyń kedendik aýmaǵynda turatyn jeke tulǵanyń atyna bir kúntizbelik aıdyń ishinde kedendik quny 1000 eýroǵa barabar somadan jáne jalpy salmaǵy 31 keliden aspaıtyn taýardy joldaýǵa bolady. Sálem-saýqat atalǵan normalar asatyn bolsa, taýardyń kedendik qunynyń 30 paıyz kóleminde, biraq, 1 keli úshin 4 eýrodan aspaıtyn somada kedendik alymdar qarastyrylǵan. Bólinbeıtin taýarlardyń baj salyqtary, kedendik qun men salmaqqa qaramastan, tutas kedendik tólem túrinde alynady. Al máıit salynǵan tabyttar men súıek kúli salynǵan saýyttar kedendik tólemdersiz joldanady.
Kelisim sondaı-aq Kedendik odaqtyń aýmaǵyna ákelýge jáne syrtqa shyǵarýǵa tyıym salynǵan jeke tutynýǵa arnalǵan taýarlardyń tizimin de naqtylap otyr.
