Jeke turǵyn úıden shyqqan órtten 3 adam qaza tapty
ASTANA. 3 jeltoqsan. QazAqparat - Batys Qazaqstan oblysynyń Zelenov aýdanyna qarasty Oktıabr aýylynda jeke turǵyn úıden órt shyqty, dep habarlady QR TJM baspasóz qyzmetinen.
130 sharshy metr aýmaqty sharpyǵan órt ornynan 3 adamnyń denesi tabyldy. Sonymen qatar denesin kúıik shalǵan 1970 jyly dúnıege kelgen azamatsha aýrýhanaǵa jetkizildi.
Qyzyl jalyndy sóndirýge QR TJM Batys Qazaqstan oblystyq tótenshe jaǵdaılar departamenti órt sónirý qyzmetiniń 10 mamany men 3 tehnıkasy jumyldyryldy.
