Jeke turǵyn úı sektorynda peshten bolatyn qaýip seıilmeı tur - TJK
ASTANA. QazAqparat - Jeke turǵyn úı sektorynda peshten bolatyn qaýip seıilmeı tur. Bul týraly OKQ-degi brıfıngte QR ІІM TJ Komıtetiniń resmı ókili Rýslan Imanqulov aıtty, dep habarlaıdy QazAqparat.
«Búgingi brıfıngti ýly gazdyń saldarynan ıis tııý problemasyna arnap otyrmyz. ıAǵnı, jyl saıyn jylý berý maýsymy bastalǵan kezde el turǵyndary jeke úılerindegi peshterdi jaǵatyny belgili. Ókinishke qaraı, adamdar peshke durys qaramaǵandyqtan, ıis tııý problemalary jıi qaıtalanýda. Atap aıtqanda, 2017 jyldyń qazanynan bastap qazirgi ýaqytqa deıin elimiz boıynsha 28 adam kóz jumdy, sondaı-aq 183 zardap shekti», - dedi Rýslan Imanqulov.
Onyń sózine qaraǵanda, ıis tıip qaza bolǵandardyń arasynda bir balanyń ómiri qıylǵan.
Atalǵan qaıǵyly jaıttardyń aldyn alý úshin turǵyn úı sektorlarynda túsindirme jumystary júrgizilip, jadnamalar taratylýda. Alaıda, osyǵan qaramastan azamattar maman keńesterine qulaq aspaýda.
Negizgi sebepter - pesh qurylysyndaǵy jaryqshaqtar; tazartylmaǵan tútindikti, aqaýy bar pesh qurylǵysyn qoldaný. Odan bólek, qarapaıym umytshaqtyqtyń saldary qaıǵyly jaǵdaıǵa ákep soǵady, ıaǵnı adamdar tútindiktiń japqyshyn ashýdy, peshti der kezinde tazalaýdy umytyp ketedi.
Resmı ókildiń aıtýynsha, jyly berý kezeńinde vedomstvoǵa qarasty bólimshe qyzmetkerleri turaqty túrde reıdter júrgizýde. Osy oraıda atalǵan reıdterdi ótkizý barysynda elimiz aýmaǵynda 500 myńǵa jýyq jeke turǵyn úıler qamtylyp otyr.
«Bizdiń qyzmetkerler kelgen kezde, olardyń bergen keńesterine nazar aýdarýǵa shaqyramyz. Bul sharalardyń barlyǵy qaýipsizdikti saqtaý aıasynda júrgizilýde», -dedi ol.
