Jeke turǵyn úı qurylysynda paıdalanylmaı jatqan 20 myń jer telimi memleketke qaıtaryldy
ASTANA. QazAqparat - Jeke turǵyn úı qurylysynda paıdalanylmaı jatqan 55 myń jer telimi anyqtaldy. Bul týraly búgin Ortalyq kommýnıkatsııalar qyzmetindegi brıfıngte QR Ulttyq ekonomıka vıtse-mınıctri Qaıyrbek Óskenbaev málim etti.
«Respýblıka aýmaǵynda jeke turǵyn úı qurylysyna 385 myńnan astam jer telimi berildi. 328 myń jer telimi tekserilip, paıdalanylmaı otyrǵan 55 myń ýchaske anyqtaldy. Onyń ishinde 16,3 myń jer telimin paıdalaný jumystary bastaldy, 7,2 myń jer ýchaskesi azamattyq-quqyqtyq mámileler nátıjesinde jańa menshik ıelerine aýysty, paıdalanylmaı otyrǵan 20 myń ýchaske memleket menshigine qaıtaryldy, al ıesiz múlik retinde 9 myń jer telimi esepke qoıyldy. Qalǵan jer tilimderi boıynsha menshik ıelerine jazbasha nusqamalar berildi»,-dedi ol.
Taratylǵan málimetterge qaraǵanda, jer ýchaskelerin paıdalanbaýdyń sebepteri ınfraqurylymnyń joqtyǵynan, ıaǵnı sýmen, elektr energııasymen jáne jolmen qamtamasyz etilmeýine baılanysty bolyp otyr. Sonymen qatar jer telimderiniń ıegerilmeýine keıbir menshik ıeleriniń qarjy tapshylyǵy da yqpal etti.
