Jeke turǵyn úı qurylysyna jer telimderin alýǵa 1 mıllıonnan astam ótinim tústi

Bul týraly búgin selektorlyq rejımdegi Úkimet otyrysynda Jer resýrstaryn basqarý agenttigi tóraǵasy mindetin atqarýshy Qanalbek Raıymbekov málim etti. «2011 jylǵy 1 qarashadaǵy jaǵdaı boıynsha jeke turǵyn úı qurylysyna jer telimderin alýǵa 1,2 mıllıon ótinim túsip otyr. Osylardyń ishinde ótinimderdiń basym bóligi, ıaǵnı 181 myńy Ońtústik Qazaqstan oblysyna, 153,6 myńy Mańǵystaý oblysyna, 132,5 myńy Almaty qalasyna, 118,4 myńy Almaty oblysyna, sondaı-aq 84 myńy Astanaǵa tıesili», dedi tóraǵanyń mindetin atqarýshy. Onyń sózine qaraǵanda, respýblıka boıynsha túsken ótinimderdiń ishinde 308,8 myń jer telimderi bólindi. Jeke turǵyn úı qurylysyna óńirler boıynsha eń kóp bólingen jer ýchaskeleri Ońtústik Qazaqstan oblysynyń (70 myń jer telimi), Almaty oblysynyń (46,4 myń jer telimi), Atyraý oblysynyń (34,2 myń jer telimi), Mańǵystaý oblysynyń (33,7 myń jer telimi) úlesinde.