Jeke turǵyn úı qurylysyna berilgen jer telimderiniń biraz bóligi qaıta satylý úshin saqtalyp otyr - S. Nokın
ASTANA. Shildeniń 14-i. QazAqparat /Rýslan Ǵabbasov/ - Jeke turǵyn úı qurylysy óte joǵary áleýetke ıe.
Bul týraly búgin Astanada Qurylys isteri jáne turǵyn úı-kommýnaldyq sharýashylyq agenttiginiń tóraǵasy Serik Nokın málim etti.
«Turǵyn úı qurylysynyń 50 paıyzyn jeke turǵyn úı qurylysy alyp jatyr jáne bul óte joǵary áleýet. Búginde 132 myńǵa jýyq jer telimi el azamattaryna taratyldy»,- dedi ol.
Agenttik basshysynyń sózine qaraǵanda, jer telimderiniń úshten bir bóliginde qurylys jumystary júrmeı jatyr. Olardy jer ýchaskeleriniń ıeleri qaıta satý úshin saqtap otyr. «Elimizdiń azamatyna 10 sotyq jer tegin túrde tıesili. Osyǵan baılanysty adamdar osy ýchaskelerdi alyp jatyr»,- dedi S. Nokın.
