Jeke turǵyn úı qurylysy úshin 235 myń ýchaske ınfraqurylymmen qamtylady
Onyń atap ótýinshe, «Qýatty óńirler – el damýynyń draıveri» ulttyq jobasy negizgi qyzmetterge teń qoljetimdilikti jáne óńirler arasynda da, sol sııaqty óńirler ishinde de eldiń kóliktik baılanysyn qamtamasyz etýge baǵyttalǵan. Aıtylǵan eki baǵytty iske asyrý aıasynda 4 tapsyrma, 20 kórsetkish pen 94 is-shara kózdelgen. Ulttyq jobany qarjylandyrýdyń jalpy kólemi 7,6 trln teńge, onyń ishinde 4 trln teńge respýblıkalyq bıýdjetten, 786 mlrd teńge jergilikti bıýdjetten qarastyrylady. Sonymen qatar 2,8 trln teńge jeke ınvestıtsııa tartý qamtamasyz etiledi.
«Negizgi qyzmetterge teń qoljetimdilik» baǵytynda ınfraqurylymdy keshendi damytý boıynsha 2 tapsyrmany sheshý jáne «Jaıly turǵyn úı» jańa turǵyn úı baǵdarlamasyn iske asyrý kózdeledi. Infraqurylymdy keshendi damytý 16 myń shaqyrym sýmen jabdyqtaý jáne sý tartý jelisin, 46 toptyq sý qubyryn, 875 shaqyrym nóser kárizi men aryq júıesi jelisin salý men qaıta jóndeýdi kózdeıdi. «Aýyl – el besigi» jobasy aıasynda aýyl ishinde 12 myń shaqyrym ınjenerlik jeli, 10 myń shaqyrym kentishilik jol jáne 1,5 myń áleýmettik nysan salynyp, jóndeledi. Nátıjesinde qala halqy aýyzsýmen jáne aǵyn sýlardy tazartý júıesimen tolyqtaı qamtamasyz etiledi. 3,5 myńnan astam aýyldyń ınfraqurylymy Óńirlik standarttar júıesine sáıkes jańǵyrtylady», - dedi Áset Erǵalıev.
Mınıstr «Jaıly turǵyn úı» jobasy aıasynda turǵyn úı qurylysyna 13,5 trln teńge ınvestıtsııa tartylatyndyǵyn aıtady.
«185,1 myń adam úshin jeke turǵyn úı qorynan turǵyn úıdi jalǵa alý, 102,3 myń birlik áleýmettik jalǵa berý qurylysyn salý shyǵystaryn sýbsıdııalaý kózdelgen jáne kredıttik turǵyn úı salý, jumys isteıtin jastar úshin 15 myń birlik turǵyn úı salý, sondaı-aq aýylda 2,9 myń jalǵa beriletin úı salý boıynsha jumys berýshilerdiń shyǵyndaryn sýbsıdııalaý kózdelgen. Jalpy, 103 mln sharshy metr jańa turǵyn úı paıdalanýǵa beriledi. Jeke turǵyn úı qurylysy úshin 235 myń jer ýchaskesi ınjenerlik-kommýnıkatsııalyq ınfraqurylymmen qamtamasyz etiledi», - dedi ol.
