Jeke tulǵanyń kiristerin deklaratsııalaý qaǵıdalary bekitildi
***
Jeke tulǵanyń aktıvteri men mindettemeleri týraly deklaratsııanyń nysanyn jáne ony jasaý qaǵıdalaryn bekitý týraly
Qazaqstan Respýblıkasy Qarjy mınıstriniń 2018 jylǵy 21 maýsymdaǵy № 617 buıryǵy. Qazaqstan Respýblıkasynyń Ádilet mınıstrliginde 2018 jylǵy 9 shildede № 17163 bolyp tirkeldi
RQAO-nyń eskertpesi!
Osy buıryq 01.01.2020 bastap qoldanysqa engiziledi.
"Salyq jáne bıýdjetke tólenetin basqa da mindetti tólemder týraly" 2017 jylǵy 25 jeltoqsandaǵy Qazaqstan Respýblıkasy Kodeksiniń (Salyq kodeksi) 206-baby 2-tarmaǵyna sáıkes BUIYRAMYN:
1. Qosa berilip otyrǵan:
1) osy buıryqqa 1-qosymshaǵa sáıkes jeke tulǵanyń aktıvteri men mindettemeleri týraly deklaratsııanyń nysany (250.00-nysan);
2) osy buıryqqa 2-qosymshaǵa sáıkes jeke tulǵanyń aktıvteri men mindettemeleri týraly deklaratsııany (250.00-nysan) jasaý qaǵıdalary bekitilsin.
2. Mynalar:
1) "Jeke tulǵanyń aktıvteri men mindettemeleri týraly deklaratsııanyń nysanyn jáne ony jasaý qaǵıdalaryn bekitý týraly" Qazaqstan Respýblıkasy Qarjy mınıstriniń 2016 jylǵy 20 maýsymdaǵy № 322 buıryǵynyń (Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 13940 bolyp tirkelgen, 2016 jylǵy 1 tamyzda "Ádilet" aqparattyq-quqyqtyq júıesinde jarııalanǵan);
2) "Jeke tulǵanyń aktıvteri men mindettemeleri týraly deklaratsııanyń nysanyn jáne ony jasaý qaǵıdalaryn bekitý týraly" Qazaqstan Respýblıkasy Qarjy mınıstriniń 2016 jylǵy 20 maýsymdaǵy № 322 buıryǵyna ózgeris engizý týraly" Qazaqstan Respýblıkasy Qarjy mınıstriniń 2017 jylǵy 8 aqpandaǵy № 87 buıryǵynyń (Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 14883 bolyp tirkelgen) kúshi joıyldy dep tanylsyn.
3. Qazaqstan Respýblıkasy Qarjy mınıstrliginiń Memlekettik kirister komıteti (A.M. Teńgebaev) zańnamada belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq memlekettik tirkelgen kúninen bastap kúntizbelik on kún ishinde onyń qazaq jáne orys tilderindegi qaǵaz jáne elektrondyq túrdegi kóshirmelerin resmı jarııalaýǵa jáne Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Qazaqstan Respýblıkasy Ádilet mınıstrliginiń "Respýblıkalyq quqyqtyq aqparat ortalyǵy" sharýashylyq júrgizý quqyǵyndaǵy respýblıkalyq memlekettik kásipornyna joldanýyn;
3) osy buıryqtyń Qazaqstan Respýblıkasy Qarjy mınıstrliginiń ınternet-resýrsynda ornalastyrylýyn;
4) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin on jumys kúni ishinde osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Qarjy mınıstrliginiń Zań qyzmeti departamentine usynýdy qamtamasyz etsin.
4. Osy buıryq 2020 jylǵy 1 qańtardan bastap qoldanysqa engiziledi jáne resmı jarııalanýǵa tıis.
|
Qazaqstan Respýblıkasynyń |
B. Sultanov |
|
|
Qazaqstan Respýblıkasy |
Jeke tulǵanyń aktıvteri men mindettemeleri týraly deklaratsııany jasaý qaǵıdalary (250.00-nysan)
1-taraý. Jalpy erejeler
1. Osy Jeke tulǵanyń aktıvteri men mindettemeleri týraly deklaratsııany (250.00-nysan) jasaý qaǵıdalary (budan ári - Qaǵıdalar) "Salyq jáne bıýdjetke tólenetin basqa da mindetti tólemder týraly" 2017 jylǵy 25 jeltoqsandaǵy Qazaqstan Respýblıkasynyń Kodeksine (Salyq kodeksi) (budan ári - Salyq kodeksi) sáıkes ázirlendi jáne jeke tulǵalardyń aktıvteri men mindettemeleri týraly deklaratsııasynyń jasalý tártibin aıqyndaıdy (budan ári - deklaratsııa).
2. Aktıvter men mindettemeler týraly deklaratsııalar usynylatyn jyldyń 1 qańtary bolyp tabylatyn, deklaratsııany mynadaı jeke tulǵalar jasaıdy:
1) Salyq kodeksiniń erejelerine sáıkes mynadaı adamdardyń biri:
Qazaqstan Respýblıkasynyń kámelettik jasqa tolǵan azamaty;
oralman;
turýǵa yqtııarhaty bar adam bolyp tabylatyn tulǵalar, Qazaqstan Respýblıkasynyń rezıdenti;
2) osy tarmaqtyń 1) jáne 3) tarmaqshalarynda kórsetilmegen jeke tulǵa aktıvter men mindettemeler týraly deklaratsııany usyný jylynyń aldyndaǵy jyldyń 31 jeltoqsanyndaǵy jaǵdaı boıynsha menshik quqyǵynda:
memlekettik nemese ózge de tirkeýge jatatyn múlik, sondaı-aq sol boıynsha quqyqtar jáne (nemese) mámileler Qazaqstan Respýblıkasynyń aýmaǵynda memlekettik nemese ózge de tirkeýge jatatyn múlik bolǵan;
Qazaqstan Respýblıkasynyń aýmaǵynda turǵyn úı qurylysyna qatysý úlesi bolǵan Qazaqstan Respýblıkasynyń zańnamasyna sáıkes aktıvter men mindettemeler týraly deklaratsııany, kirister men múlik týraly deklaratsııany usyný jónindegi mindetter týyndaǵan jaǵdaılarda;
3) mynadaı kez kelgen adamdardyń zańdy ókilderiniń biri:
mynadaı jaǵdaıda on segiz jasqa (kámelet jasyna) tolmaǵan adamnyń aktıvter men mindettemeler týraly deklaratsııany usyný jylynyń aldyndaǵy jyldyń 31 jeltoqsanyndaǵy jaǵdaı boıynsha menshik quqyǵynda:
memlekettik nemese ózge de tirkeýge jatatyn múlik, sondaı-aq olar boıynsha quqyqtar jáne (nemese) mámileler memlekettik nemese ózge de tirkeýge, onyń ishinde Qazaqstan Respýblıkasynyń sheginen tys jerlerde tirkeýge jatatyn múlik (jekeshelendirilgen turǵyn úıge ortaq birlesken menshik quqyǵyndaǵy múlikti qospaǵanda) bolǵan;
turǵyn úı qurylysyna qatysý úlesi, onyń ishinde Qazaqstan Respýblıkasynyń sheginen tys jerlerde osyndaı úlesi bolǵan;
bank shottarynda, onyń ishinde Qazaqstan Respýblıkasynyń sheginen tys jerlerde barlyq bank salymdary boıynsha Salyq kodeksimen belgilengen sheginen jıyntyqty túrde asatyn aqsha somasy bolǵan;
basqa tulǵalardyń osy tulǵa aldyndaǵy beresheginiń (debıtorlyq beresheginiń) jáne (nemese) osy tulǵanyń basqa tulǵalar aldyndaǵy beresheginiń (kredıtorlyq beresheginiń) Salyq kodeksimen belgilengen sheginen asatyn somalary bolǵan.
áreketke qabiletsiz, áreketke qabileti shekteýli dep tanylǵan jáne osy tarmaqtyń 1) jáne 2) tarmaqshalaryndakórsetilgen adamdar sanatyna jatatyn kámeletke tolǵan adamnyń.
3. Deklaratsııa - deklaratsııanyń ózinen (250.00-nysan) jáne oǵan qosymshalardan (250.01-den 250.04-ke deıingi nysandar) turady.
4. Deklaratsııany toltyrý kezinde túzetýge, óshirýge jáne shımaılaýǵa jol berilmeıdi.
5. Deklaratsııanyń tıisti uıashyǵynda kórsetkishter bolmaǵan kezde toltyrylmaıdy.
6. Deklaratsııaǵa qosymsha deklaratsııanyń ózinde toltyrylmaıtyn qosymsha joldardy toltyrý qajet bolǵan jaǵdaıda jasalady.
7. Onda kórsetýge jatatyn derekter bolmaǵan kezde deklaratsııaǵa qosymsha jasalmaıdy.
8. Deklaratsııa:
1) qaǵaz tasymaldaǵyshta - qara nemese kók sııaly sharıkti qalammen nemese qalamushpen, baspahanalyq bas áriptermen nemese baspa qurylǵylaryn paıdalanýmen;
2) elektrondyq tasymaldaǵyshta - salyq eseptiligin qabyldaý jáne óńdeý eseptiligi arqyly toltyrylady.
9. Qaǵaz tasymaldaǵyshta jasalǵan deklaratsııaǵa jeke tulǵa ne onyń ókili qol qoıýy tıis.
Elektrondyq tasymaldaǵyshynda jasalǵan deklaratsııa jeke tulǵanyń elektrondyq tsıfrlyq qoltańbasymen rastalýy tıis.
10. Deklaratsııany usynǵan kezde:
1) habarlamasy bar tapsyrys hatpen poshta arqyly qaǵaz tasymaldaǵyshynda - salyq tóleýshi habarlamany poshta nemese ózge de baılanys uıymdary arqyly alady;
2) elektrondyq túrde - salyq tóleýshi memlekettik kirister organdarynyń salyq eseptiligin qabyldaý júıesiniń salyq eseptiligin qabyldaýy nemese qabyldamaýy týraly habarlamany alady;
3) kelý tártibinde qaǵaz tasymaldaǵyshynda - eki dana jasalady, bir danasy memlekettik kirister organynyń belgisi qoıylyp salyq tóleýshige qaıtarylady.
2-taraý. Deklaratsııany (250.00-nysan) jasaý
11. Deklaratsııada jeke tulǵa 2A nemese 2V joldarynda kórsetilgen kúnindegi jaǵdaı boıynsha tıisti uıashyqtarda (joldarda) kelesi derekterdi kórsetedi:
1) 1-jolda - jeke tulǵanyń jeke sáıkestendirý nómiri (JSN) kórsetiledi;
2) 2A jolda - barlyq jeke tulǵalar, "Qazaqstan Respýblıkasyndaǵy saılaý týraly" Qazaqstan Respýblıkasynyń 1995 jylǵy 28 qyrkúıektegi Konstıtýtsııalyq Zańyna sáıkes saılanbaly laýazymǵa kandıdattardy, onyń zaıyby (jubaıy) (budan ári - Saılaý týraly zań) nemese 2V jolyn toltyratyn "Qazaqstan Respýblıkasyndaǵy bankter jáne bank qyzmeti týraly" 1995 jylǵy 31 tamyzdaǵy (budan ári - Bankter týraly zań), "Saqtandyrý qyzmeti týraly" 2000 jylǵy 18 jeltoqsandaǵy (budan ári - Saqtandyrý qyzmeti týraly zań), "Baǵaly qaǵazdar rynogy týraly" 2003 jylǵy 2 shildedegi (budan ári - Baǵaly qaǵazdar týraly zań) Qazaqstan Respýblıkasynyń Zańdaryna sáıkes banktiń, saqtandyrý (qaıta saqtandyrý) uıymynyń, ınvestıtsııalyq portfeldi basqarýshynyń iri qatysýshysy bolýdy qalaıtyn jeke tulǵalardy qospaǵanda, deklaratsııany usyný jylynyń aldyndaǵy jyldyń 31 jeltoqsanyn kórsetedi;
2V jolynda kórsetiledi:
Saılaý týraly zańyna sáıkes saılanbaly laýazymǵa kandıdattar bolyp tabylatyn tulǵalar, onyń zaıyby (jubaıy) (Qazaqstan Respýblıkasynyń Prezıdenttigine, Qazaqstan Respýblıkasynyń Parlamenti jáne máslıhat depýtattyǵyna, sondaı-aq saılanbaly jergilikti ózin-ózi basqarý organynyń músheligine kandıdattar), sondaı-aq onyń zaıyby (jubaıy) úshin - usyný merzimi bastalatyn aıdyń birinshi kúni;
Bankter týraly zańǵa, saqtandyrý qyzmeti týraly zańǵa, Baǵaly qaǵazdar týraly zańǵa sáıkes banktiń, saqtandyrý (qaıta saqtandyrý) uıymynyń, ınvestıtsııalyq portfeldi basqarýshynyń iri qatysýshysy bolýdy qalaıtyn tulǵalar úshin - deklaratsııany usyný aıynyń birinshi kúni.
3) 3-jolda - jeke tulǵanyń jeke basyn kýálandyratyn qujattaryna sáıkes tegi, aty, ákesiniń aty (bolǵan kezde) kórsetiledi;
4) 4-jolda - deklaratsııanyń túri kórsetiledi.
Tıisti uıashyqtar salyq eseptiliginiń mynadaı túrlerine deklaratsııany jatqyzýdy esepke ala otyryp:
bastapqy - jeke tulǵa usynatyn aktıvter men mindettemeler týraly deklaratsııa, sebebi mundaı deklaratsııany usyný boıynsha belgilengen mindeti alǵashqy ret týyndaǵanda;
kezekti - mundaı jeke tulǵalar aktıvter men mindettemeler týraly bastapqy deklaratsııany "Sybaılas jemqorlyqqa qarsy is-qımyl týraly" 2015 jylǵy 18 qarashadaǵy Zańǵa sáıkes, Bankter týraly, Saqtandyrý qyzmeti týraly, Baǵaly qaǵazdar týraly zańdaryna sáıkes jeke tulǵa usynatyn aktıvter men mindettemeler týraly deklaratsııa usynǵannan keıin;
qosymsha - osyndaı ózgerister men (nemese) tolyqtyrýlardyń qatysy bar jeke tulǵanyń buryn usynǵan aktıvteri men mindettemeleri týraly deklaratsııasyna ózgerister men (nemese) tolyqtyrýlardy jeke tulǵa usynatyn aktıvter men mindettemeler týraly deklaratsııa engizgen kezde;
habarlama boıynsha qosymsha - jeke tulǵanyń aktıvteri men mindettemeleri boıynsha kameraldyq baqylaý nátıjeleri boıynsha salyq organy buzýshylyqtardy anyqtaǵan, buryn tapsyrylǵan aktıvter men mindettemeler týraly deklaratsııaǵa ózgerister jáne (nemese) tolyqtyrýlar jeke tulǵa tapsyratyn aktıvter men mindettemeler týraly deklaratsııaǵa engizgen kezde belgilenedi.
Habarlamanyń nómiri men kúni Salyq kodeksiniń 206-baby 3-tarmaǵynyń 4) tarmaqshasynda kózdelgen deklaratsııa túri tabys etilgen jaǵdaıda toltyrylady;
5) 5A-jolda - jeke tulǵa jumys isteıtin nemese oqıtyn uıymnyń ataýy kórstiledi. Eger deklaratsııany usyný jylynyń aldyndaǵy jyldyń 31 jeltoqsanyna jeke tulǵa jumys istemese nemese oqymaǵan jaǵdaıda, onda osy jol toltyrylmaıdy;
5V-jolda - qalalyq telefondar úshin eldiń jáne óńirdiń (uıaly operatordyń) kodyn qosa, baılanys telefonynyń nómiri kórsetiledi;
6) 6-jolda - rezıdenttik belgisi kórsetiledi:
A torkózin Qazaqstan Respýblıkasynyń rezıdent salyq tóleýshisi belgileıdi;
V torkózin Qazaqstan Respýblıkasynyń rezıdent emes salyq tóleýshisi belgileıdi;
7) 7A-jolda - zańdy ókilmen, usynylatyn tulǵanyń (kámeletke tolmaǵan jáne/nemese qabiletsiz nemese qabileti shekteýli jáne taǵy basqalar) jeke sáıkestendirý nómiri (JSN) kórsetiledi;
7V-jolda - eger jeke tulǵa nekede (erli-zaıyptylyqta) turǵan jaǵdaıda, jubaıynyń (zaıybynyń) jeke sáıkestendirý nómiri (JSN) kórsetiledi.
12. "Jyljymaıtyn múliktiń, onyń ishinde Qazaqstan Respýblıkasynyń sheginen tys jerlerde, bolýy týraly málimetter" degen bólim (barlyq kórsetkishter 2A nemese 2V jolynda kórsetilgen kúnge bolǵan kezde kórsetiledi), mysaly, jer ýchaskesi, ǵımarat (úı, garaj, saıajaı, kommertsııalyq ǵımarat jáne basqa), ǵımarattyń bir bóligi (páter, keńse, jabyq parkıngtegi turaq orny jáne basqa), qurylys, áýe kemesi (ushaq, tikushaq jáne basqa), teńiz kemesi, ishki sýda júzetin keme, "ózen-teńiz" júzetin keme sııaqty ol boıynsha memlekettik nemese ózge tirkeýge jatatyn múlkiniń, sondaı-aq quqyqtary jáne (nemese) mámileleri memlekettik nemese ózge tirkeýge jatatyn múlikiniń, onyń ishinde Qazaqstan Respýblıkasynyń sheginen tys jerlerde ornalasqan jyljymaıtyn múlikke menshik quqyǵynyń bolý faktisin kórsetýge arnalǵan.
Bul rette 8-jolda kórsetiledi:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - menshik quqyǵyndaǵy jyljymaıtyn múliktiń túri (onyń ishinde úlestik nemese birlesken menshik), ol boıynsha quqyq jáne (nemese) mámileler memlekettik nemese ózge de tirkelýge jatatyn nemese memlekettik nemese ózge de tirkelýge jatady (jer ýchaskesi; ǵımarat, úı, garaj, saıajaı, kommertsııalyq ǵımarat, ǵımarattyń bir bóligi, páter, keńse, jabyq parkıngtegi turaq orny jáne taǵy basqa; qurylys; áýe kemesi (ushaq, tikushaq jáne taǵy basqalar); teńiz kemesi; ishki sýda júzetin keme, "ózen-teńiz" júzetin keme jáne taǵy basqalar);
3) S baǵanynda - V baǵanynda kórsetilgen quqyq belgileý qujattarynyń negizinde jyljymaıtyn múliktiń kadastrlyq nemese basqa sáıkestendirý nómirin kórsetýge arnalǵan. Osy baǵan Qazaqstan Respýblıkasynda tirkelgen jáne kadastrlyq nemese basqa sáıkestendirý nómiri bar jyljymaıtyn múlik boıynsha ǵana toltyrylady. S baǵanyn toltyrǵan kezde D baǵanyn toltyrý talap etilmeıdi;
4) D baǵanynda - osy múliktiń ornalasqan eliniń, eldi-mekenniń jáne kósheniń (dańǵyl, tuıyq kóshe jáne basqa) ataýyn, úıdiń (korpýstyń, qurylystyń jáne basqa) nómirin, páterdiń (ofıstiń, bólmeniń jáne basqa) nómirin kórsetý bóliginde Qazaqstan Respýblıkasynyń sheginen tys jerlerde tirkelgen nemese kadastrlyq nemese basqa sáıkestendirý nómiri joq jyljymaıtyn múliktiń mekenjaıy boıynsha ǵana toltyrylady. Jer ýchaskesine, ǵımaratqa (úı, garaj, saıajaı, kommertsııalyq ǵımarat jáne basqa), ǵımarattyń bir bóligine (páter, keńse, jabyq parkıngtegi turaq orny jáne basqa), qurylysqa qatysty ornalasý oryndarynyń mekenjaıy kórsetiledi, áýe kemesine (ushaq, tikushaq jáne basqa), teńiz kemesine, ishki sýda júzetin kemege, "ózen-teńiz" júzetin kemege qatysty ornalasý oryndarynyń nemese tirkelý portynyń mekenjaıy, basqa jyljymaıtyn múlikke qatysty tirkelý ornynyń mekenjaıy kórsetiledi.
Málimetter kórsetý úshin joldar sany jetkiliksiz bolǵan kezde 1-qosymsha (250.01-nysan) toltyrylady.
13. "Kólik quraldary týraly málimetter, onyń ishinde Qazaqstan Respýblıkasynyń sheginen tys jerlerde" degen bólimi menshik quqyǵyndaǵy, onyń ishinde Qazaqstan Respýblıkasynyń sheginen tys jerlerde memlekettik tirkeýge jatatyn mehanıkalyq kólik quraldarynyń jáne/nemese tirkemelerdiń bar bolý faktisin kórsetý úshin arnalǵan.
9-jolda kórsetiledi:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - menshik quqyǵyndaǵy kólik quralynyń túri (jeńil avtomobıl, mototsıkl, júk mashınasy jáne taǵy basqalar);
3) S baǵanynda - kólik quralynyń memlekettik tirkelý týraly kýáligine sáıkes kólik quralynyń sanaty;
4) D baǵanynda - kólik quralynyń memlekettik nómiri;
5) E baǵanynda - avtokólik quraldaryna arnalǵan kólik quralynyń tirkelýi týraly kýálikte kórsetilgen VIN-kod (shanaq nómiri), temirjol kóligine arnalǵan jyljymaly quramnyń zaýyttyq nómiri, mehanıkalyq kólik quraldaryna arnalǵan qozǵaltqysh nómiri;
6) F baǵanynda - kólik quraly tirkelgen eldiń kody.
Málimetter kórsetý úshin joldar sany jetkiliksiz bolǵan kezde 1-qosymsha (250.01-nysan) toltyrylady.
14. 10-jol Qazaqstan Respýblıkasynyń bank shottarynda aqshanyń bar bolý faktisin kórsetýge arnalǵan (aǵymdaǵy, onyń ishinde kartochkalyq jáne jınaq). Mundaı fakti bar bolǵan kezde "H" belgisi qoıylady.
15. "Eń tómengi jalaqynyń 500 eselengen sheginen aspaıtyn qolma-qol aqsha týraly málimetter" degen bólimi, 2014 jylǵy 30 maýsymdaǵy "Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar adamdarǵa olardyń múlikti jarııa etýine baılanysty raqymshylyq jasaý týraly" Qazaqstan Respýblıkasynyń Zańyna sáıkes (budan ári - Raqymshylyq jasaý týraly zań) jarııa etilgen aqshany qospaǵanda, respýblıkalyq bıýdjet týraly zańda belgilengen jáne jeke tulǵanyń aktıvteri men mindettemeleri týraly deklaratsııany tapsyratyn jyldyń aldyndaǵy jyldyń 31 jeltoqsanyna qoldanysta bolatyn eń tómen jalaqynyń 500 eselengen mólsheri sheginen aspaıtyn somada kórsetiletin qolma-qol aqshasyn kórsetýge arnalǵan.
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - qolma-qol aqshasy bar valıýtanyń kody. Valıýta kody Keden odaǵy komıssııasynyń 2010 jylǵy 20 qyrkúıektegi № 378 sheshimimen (budan ári - Sheshimmen) bekitilgen "Valıýta jikteýishteri" degen 23-qosymshada belgilengen úsh mándi áripti kodtaýǵa sáıkes kórsetiledi;
3) S baǵanynda - V baǵanynda kórsetilgen valıýtada qolma-qol aqshanyń jalpy somasy. Deklaratsııalanatyn qolma-qol aqshalardyń jalpy somasy, Zańyna sáıkes jarııa etilgen aqshany qospaǵanda, Salyq kodeksinde belgilengen shekten asa almaıdy.
Belgilengen shekten asatyn qolma-qol aqsha somasyn kórsetken kezde, deklaratsııalanatyn qolma-qol aqsha somasy salyqtyq baqylaý maqsaty úshin Salyq kodeksinde belgilengen shek mólsherinde qabyldanady.
Osy shekti aıqyndaý maqsaty úshin sheteldik valıýtadaǵy qolma-qol aqsha deklaratsııany usyný jylynyń aldyndaǵy jyldyń 31 jeltoqsanynyń aldyndaǵy sońǵy jumys kúninde aıqyndalǵan valıýtalardy aıyrbastaýdyń naryqtyq baǵamy boıynsha teńgege aýystyrylady.
Málimetter kórsetý úshin joldar sany jetkiliksiz bolǵan kezde 2-qosymsha (250. 02-nysan) toltyrylady.
16. "Jyljymaıtyn múlik qurylysyna qatysý týraly málimet, onyń ishinde Qazaqstan Respýblıkasynyń sheginen tys jerlerde" degen bólimi turǵyn úı qurylysyndaǵy úlestik qatysý shartynyń nemese ol boıynsha turǵyn úı ǵımaratyn (mysaly, páterdi) nemese sondaı ǵımarattyń bir bóligin menshikke usynýǵa mindetti tarappen talap etý quqyǵyn basqaǵa berý shartynyń, onyń ishinde Qazaqstan Respýblıkasynyń sheginen tys jerlerde bolý faktisin kórsetý úshin arnalǵan.
12-jolda kórsetiledi:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - shart boıynsha tarap bolyp tabylatyn, turǵyn úı ǵımaratyn nemese mundaı ǵımarattyń bir bóligin (mysaly, páterdi) menshikke usynýǵa mindetti qurylys salýshy nemese tulǵa tirkelgen eldiń ataýy;
3) S baǵanynda - Qazaqstan Respýblıkasynda tirkelgen tulǵanyń (qurylys salýshy) bıznes-sáıkestendirý nómiri, nemese shart boıynsha tarap bolyp tabylatyn, turǵyn úı ǵımaratyn nemese mundaı ǵımarattyń bir bóligin (mysaly, páterdi) menshikke usynýǵa mindetti Qazaqstan Respýblıkasynyń sheginen tys jerlerde tirkelgen tulǵanyń basqa sáıkestendirý nómiri;
4) D baǵanynda - tulǵanyń (qurylys salýshynyń) nemese shart boıynsha tarap bolyp tabylatyn, turǵyn úı ǵımaratyn nemese mundaı ǵımarattyń bir bóligin (mysaly, páterdi) menshikke usynýǵa mindetti tulǵanyń ataýy;
5) E baǵanynda -shart boıynsha mindettemelerdi tóleý esebine aqsha salynǵan valıýtanyń kody. Valıýta kody sheshimmen bekitilgen "Valıýta jikteýishteri" degen 23-qosymshada belgilengen úsh mándi áripti kodtaýǵa sáıkes kórsetiledi;
6) F baǵanynda - shart boıynsha mindettemelerdi tóleý shotyna salynǵan aqshanyń jalpy somasy.
Málimetterdi kórsetý úshin joldar sany jetkiliksiz bolǵan kezde 2-qosymsha (250. 02-nysan) toltyrylady.
17. "Basqa da aktıvter men mindettemeler týraly málimetter, onyń ishinde Qazaqstan Respýblıkasynyń sheginen tys jerlerde" degen bólim mynadaı aktıvter men mindettemelerdiń, onyń ishinde Qazaqstan Respýblıkasynyń sheginen tys jerlerde bolý faktisin kórsetýge arnalǵan.
1) 13-jol, onyń ishinde Qazaqstan Respýblıkasynyń sheginen tys jerlerde ornalasqan zańdy tulǵadaǵy (aktsıonerlik qoǵamdy qospaǵanda) qatysý úlesine menshik quqyǵynyń bolý faktisin kórsetýge arnalǵan. Mundaı fakti bolǵan kezde "H" belgi qoıylady jáne 2-qosymsha (250.02-nysany) toltyrylady;
2) 14-jol Qazaqstan Respýblıkasynyń sheginen tys jerlerde ornalasqan bank shottarynda aqshanyń bolý faktisin kórsetýge arnalǵan. Mundaı fakti bolǵan kezde "H" belgisi qoıylady jáne 3-qosymsha (250.03-nysany) toltyrylady;
3) 15-jol Salyq kodeksimen belgilengen mólsherde, talaptyń týyndaý negizi bolyp tabylatyn shart nemese ózge de qujattar negizinde, basqa tulǵalardyń osy tulǵa aldyndaǵy beresheginiń (debıtorlyq beresheginiń) jáne (nemese) osy tulǵanyń basqa tulǵalar aldyndaǵy beresheginiń (kredıtorlyq beresheginiń), onyń ishinde Qazaqstan Respýblıkasynyń sheginen tys jerlerde somasynyń bolý faktisin kórsetýge arnalǵan. Mundaı fakti bolǵan kezde "H" belgisi qoıylady jáne 3-qosymsha (250.03-nysany) toltyrylady;
4) 16-jol baǵaly qaǵazdarǵa (aktsııalar, qaryzdyq baǵaly qaǵazdar, depozıtarlyq qolhattar, ıslamdyq baǵaly qaǵazdar, ınvestıtsııalyq paı qorlaryndaǵy paılaryn qospaǵanda) menshik quqyǵynyń, onyń ishinde Qazaqstan Respýblıkasynyń sheginen tys jerlerde bolý faktisin kórsetýge arnalǵan. Mundaı fakti bolǵan kezde "H" belgisi qoıylady jáne 3-qosymsha (250.03-nysany) toltyrylady;
5) 17-jol ınvestıtsııalyq paı qorlaryndaǵy paılaryna menshik quqyǵynyń, onyń ishinde Qazaqstan Respýblıkasynyń sheginen tys jerlerde bolý faktisin kórsetýge arnalǵan. Mundaı fakti bolǵan kezde "H" belgisi qoıylady jáne 4-qosymsha (250.04-nysany) toltyrylady;
6) 18-jol, onyń ishinde Qazaqstan Respýblıkasynyń sheginen tys jerlerde, onyń ishinde tirkeýge jatatyn nemese quqyǵy (mámileler) Qazaqstan Respýblıkasynyń zańnamasyna nemese shet memlekettiń memlekettik organdarynda osy memlekettiń zańnamasyna sáıkes tirkeýge jatatyn basqa da múlikterge menshik quqyǵynda bolý faktisin kórsetýge arnalǵan. Mundaı fakti bolǵan kezde "H" belgisi qoıylady jáne 4-qosymsha (250.04-nysany) toltyrylady;
7) 19-jolda býhgalterlik nemese salyq esebinde kórsetilgen deklaratsııalardyń basqa joldarynda kórsetilmegen, olardyń qyzmetinde paıdalanylatyn dara kásipkerdiń, jekeshe notarıýstyń, jeke sot oryndaýshysynyń, advokattyń, kásibı medıatordyń aktıvteriniń quny kórsetiledi.
"Salyq tóleýshiniń jaýapkershiligi" degen bólimde:
1) "salyq tóleýshiniń/zańdy ókildiń T.A.Á." degen ashyq jolda - salyq tóleýshiniń tegi, aty, ákesiniń aty (ol bolǵan kezde);
2) "deklaratsııany bergen kúni" degen ashyq jolda - Qazaqstan Respýblıkasynyń memlekettik kirister organyna aktıvter men mindettemeler týraly deklaratsııany tabys etken kúni kórsetiledi.
3-taraý. Jeke tulǵanyń aktıvteri men mindettemeleri týraly deklaratsııaǵa 250.01-nysanyn (1-qosymsha) jasaý
Deklaratsııaǵa 1-qosymsha "Jyljymaıtyn múliktiń, onyń ishinde Qazaqstan Respýblıkasynyń sheginen tys jerlerinde bolýy týraly málimetter" degen bóliminen jáne "Kólik quraldarynyń bolýy týraly málimetter, onyń ishinde Qazaqstan Respýblıkasynyń sheginen tys jerlerde" degen bóliminen quralady.
18. "Jyljymaıtyn múliktiń, onyń ishinde Qazaqstan Respýblıkasynyń sheginen tys jerlerinde bolýy týraly málimetter" degen 8-bólim, 250.00-deklaratsııanyń negizgi nysanynyń 8-jolynda jyljymaıtyn múlik týraly málimetterdi toltyrýǵa oryn jetkiliksiz bolǵan jaǵdaıda, toltyrylady.
19. 1-qosymshanyń 8-bóliminde:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - menshik quqyǵyndaǵy jyljymaıtyn múliktiń túri (onyń ishinde úlestik nemese birlesken menshik), ol boıynsha quqyq jáne (nemese) mámileler memlekettik nemese ózge de tirkelýge jatatyn nemese memlekettik nemese ózge de tirkelýge jatady (jer ýchaskesi; ǵımarat, úı, garaj, saıajaı, kommertsııalyq ǵımarat, ǵımarattyń bir bóligi, páter, keńse, jabyq parkıngtegi turaq orny jáne taǵy basqa; qurylys; áýe kemesi (ushaq, tikushaq jáne t.b.); teńiz kemesi; ishki sýda júzetin keme, "ózen-teńiz" júzetin keme jáne basqalar) kórsetiledi;
3) S baǵanynda - V baǵanynda kórsetilgen quqyq belgileý qujattarynyń negizinde jyljymaıtyn múliktiń kadastrlyq nemese basqa sáıkestendirý nómirin kórsetýge arnalǵan. Osy baǵan Qazaqstan Respýblıkasynda tirkelgen jáne kadastrlyq nemese basqa sáıkestendirý nómiri bar jyljymaıtyn múlik boıynsha ǵana toltyrylady. S baǵanyn toltyrǵan kezde D baǵanyn toltyrý talap etilmeıdi;
4) D baǵanynda - osy múliktiń ornalasqan eliniń, eldi-mekenniń jáne kósheniń (dańǵyl, tuıyq kóshe jáne basqa) ataýyn, úıdiń (korpýstyń, qurylystyń jáne basqa) nómirin, páterdiń (ofıstiń, bólmeniń jáne basqa) nómirin kórsetý bóliginde Qazaqstan Respýblıkasynyń sheginen tys jerlerde tirkelgen nemese kadastrlyq nemese basqa sáıkestendirý nómiri joq jyljymaıtyn múliktiń mekenjaıy boıynsha ǵana toltyrylady. Jer ýchaskesine, ǵımaratqa (úı, garaj, saıajaı, kommertsııalyq ǵımarat jáne basqa), ǵımarattyń bir bóligine (páter, keńse, jabyq parkıngtegi turaq orny jáne basqa), qurylysqa qatysty ornalasý oryndarynyń mekenjaıy kórsetiledi, áýe kemesine (ushaq, tikushaq jáne basqa), teńiz kemesine, ishki sýda júzetin kemege, "ózen-teńiz" júzetin kemege qatysty ornalasý oryndarynyń nemese tirkelý portynyń mekenjaıy, basqa jyljymaıtyn múlikke qatysty tirkelý ornynyń mekenjaıy kórsetiledi.
20. "Kólik quraldarynyń bolýy týraly málimetter, onyń ishinde Qazaqstan Respýblıkasynyń sheginen tys jerlerde" degen bólimi 250.00-deklaratsııasynyń negizgi nysanynyń 9-jolynda kólik quraldary týraly málimetterdi toltyrýǵa oryn jetkiliksiz bolǵan jaǵdaıda, toltyrylady.
21. 1-qosymshanyń 9-bóliminde:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - menshik quqyǵyndaǵy kólik quralynyń túri (jeńil avtomobıl, mototsıkl, júk mashınasy jáne basqalar);
3) C baǵanynda - kólik quraly nemese shanaq tirkelgen eldiń kody kórsetiledi. Eldiń kody sheshimmen bekitilgen 22-qosymshada belgilengen eki mándi áripti kodtaýǵa sáıkes kórsetiledi;
4) D baǵanynda - kólik quraldarynyń memlekettik nómiri;
5) E baǵanynda - avtokólik quraldaryna arnalǵan kólik quralyn tirkeý týraly kýálikte kórsetilgen VIN-kod (shanaq nómiri), temirjol kóligine arnalǵan jyljymaly quramnyń zaýyttyq nómiri, mehanıkalyq kólik quraldaryna arnalǵan qozǵaltqysh nómiri;
6) F baǵanynda - kólik quraly tirkelgen eldiń kody kórsetiledi.
4-taraý. Jeke tulǵanyń aktıvteri men mindettemeleri týraly deklaratsııaǵa 250.02-nysanyn (2-qosymsha) jasaý
Deklaratsııaǵa 2-qosymsha "Eń tómengi jalaqynyń 500 eselengen mólsheriniń sheginen aspaıtyn qolma-qol aqsha týraly málimetter" degen bólimnen, "Jyljymaıtyn múlik qurylysyna qatysý týraly málimetter, onyń ishinde Qazaqstan Respýblıkasynyń sheginen tys jerlerde" degen bóliminen jáne "Zańdy tulǵada qatysýy týraly málimetter (aktsıonerlik qoǵamdardy qospaǵanda), onyń ishinde Qazaqstan Respýblıkasynyń sheginen tys jerlerde" degen bóliminen turady.
22. "Eń tómen jalaqynyń 500 eselengen mólsheriniń sheginen aspaıtyn qolma-qol aqsha týraly málimetter" degen bólimi 250.00-deklaratsııasynyń negizgi nysanynyń 11-jolynda qolma-qol aqsha týraly málimetterdi toltyrýǵa oryn jetkiliksiz bolǵan jaǵdaıda, toltyrylady.
23. 2-qosymshanyń 11-bóliminde kórsetiledi:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - qolma-qol aqshasy bar valıýtanyń kody. Valıýta kody sheshimmen bekitilgen "Valıýta jikteýishteri" degen 23-qosymshada belgilengen úsh mándi áripti kodtaýǵa sáıkes kórsetiledi;
3) S baǵanynda - V baǵanynda kórsetilgen valıýtada qolma-qol aqshanyń jalpy somasy. Deklaratsııalanatyn qolma-qol aqshalardyń jalpy somasy, "Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar adamdarǵa olardyń múlikti jarııa etýine baılanysty raqymshylyq jasaý týraly" Qazaqstan Respýblıkasynyń Zańynasáıkes jarııa etilgen aqshany qospaǵanda, Salyq kodeksinde belgilengen shekten asa almaıdy.
Belgilengen shekten asatyn qolma-qol aqsha somasyn kórsetken kezde, deklaratsııalanatyn qolma-qol aqsha somasy salyqtyq baqylaý maqsaty úshin Salyq kodeksinde belgilengen shek mólsherinde qabyldanady.
Osy shekti aıqyndaý maqsaty úshin sheteldik valıýtadaǵy qolma-qol aqsha deklaratsııany usyný jylynyń aldyndaǵy jyldyń 31 jeltoqsanynyń aldyndaǵy sońǵy jumys kúninde aıqyndalǵan valıýtalardy aıyrbastaýdyń naryqtyq baǵamy boıynsha teńgege aýystyrylady.
24. "Jyljymaıtyn múlik qurylysyna qatysý týraly málimetter, onyń ishinde Qazaqstan Respýblıkasynyń sheginen tys jerlerde" degen bólimi, 250.00-deklaratsııasynyń negizgi nysanynyń 12-jolda turǵyn úı qurylysyna qatysý jóninde málimetter toltyrý úshin oryn jetkiliksiz bolǵan jaǵdaıda, toltyrylady.
25. 2-qosymshanyń 12-bóliminde kórsetiledi:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - shart boıynsha tarap bolyp tabylatyn, turǵyn úı ǵımaratyn nemese mundaı ǵımarattyń bir bóligin (mysaly, páterdi) menshikke usynýǵa mindetti qurylys salýshy nemese tulǵa tirkelgen eldiń ataýy;
3) S baǵanynda - Qazaqstan Respýblıkasynda tirkelgen tulǵanyń (qurylys salýshy) bıznes-sáıkestendirý nómiri, nemese shart boıynsha tarap bolyp tabylatyn, turǵyn úı ǵımaratyn nemese mundaı ǵımarattyń bir bóligin (mysaly, páterdi) menshikke usynýǵa mindetti Qazaqstan Respýblıkasynyń sheginen tys jerlerde tirkelgen tulǵanyń basqa sáıkestendirý nómiri;
4) D baǵanynda - tulǵanyń (qurylys salýshynyń) nemese shart boıynsha tarap bolyp tabylatyn, turǵyn úı ǵımaratyn nemese mundaı ǵımarattyń bir bóligin (mysaly, páterdi) menshikke usynýǵa mindetti tulǵanyń ataýy;
5) E baǵanynda - shart boıynsha mindettemelerdi tóleý esebine aqsha salynǵan valıýtanyń kody. Valıýta kody sheshimmen bekitilgen "Valıýta jikteýishteri" degen 23-qosymshada belgilengen úsh mándi áripti kodtaýǵa sáıkes kórsetiledi;
6) F baǵanynda - shart boıynsha mindettemelerdi tóleý esebine salynǵan aqshanyń jalpy somasy.
26. "Zańdy tulǵada qatysýy týraly málimetter (aktsıonerlik qoǵamdardy qospaǵanda), onyń ishinde Qazaqstan Respýblıkasynyń sheginen tys jerlerde" degen bólimi eger 250.00-deklaratsııasynyń negizgi nysanynyń 13-joly belgilengen jáne onyń ishinde Qazaqstan Respýblıkasynyń sheginen tys jerlerde ornalasqan zańdy tulǵadaǵy (aktsıonerlik qoǵamdardy qospaǵanda) qatysý úlesin deklaratsııalaýǵa arnalǵan jaǵdaıda toltyrylady jáne usynylady.
27. 2-qosymshanyń 13-bóliminde:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - qatysý úlesi bar tulǵa tirkelgen eldiń ataýy kórsetiledi;
3) S baǵanynda - qatysý úlesi bar Qazaqstan Respýblıkasynda tirkelgen adamnyń bıznes sáıkestendirý nómirin, nemese Qazaqstan Respýblıkasynyń sheginen tys jerlerde tirkelgen adamnyń basqa sáıkestendirý nómirin kórsetýge arnalǵan;
4) D baǵanynda - qatysý úlesiniń mólsherin júzge deıingi bólikterge dóńgeletýmen paıyzdarda kórsetýge arnalǵan;
5) E baǵanynda, eger atalǵan jolda kórsetilgen qatysý úlesi senimgerlik basqarýǵa berilgen jaǵdaıda, "H" belgilenedi.
5-taraý. Jeke tulǵanyń aktıvteri men mindettemeleri týraly deklaratsııaǵa 250.03-nysanyn (3-qosymsha) jasaý
Deklaratsııaǵa 3-qosymsha "Qazaqstan Respýblıkasynyń sheginen tys jerlerde ornalasqan bank shottardaǵy eń tómen jalaqynyń 500 eselengen mólsherinen artyq aqsha týraly málimetter" degen bóliminen, "Debıtorlyq/kredıtorlyq bereshekterdiń bolýy týraly málimetter, Qazaqstan Respýblıkasynyń sheginen tys jerlerde" degen bólimnen jáne "Baǵaly qaǵazdardyń bolýy týraly málimetter, onyń ishinde Qazaqstan Respýblıkasynyń sheginen tys jerlerde" degen bólimderden turady.
28. "Qazaqstan Respýblıkasynyń sheginen tys jerlerde ornalasqan bank shottardaǵy eń tómen jalaqynyń 500 eselengen mólsherinen artyq aqsha týraly málimetter" degen bólim, eger 250.00-deklaratsııasynyń negizgi nysanynyń 14-joly belgilengen jáne Qazaqstan Respýblıkasynyń sheginen tys jerlerde ornalasqan bank shottardaǵy (aǵymdaǵy, onyń ishinde kartochkalyq jáne jınaq) aqsha somasyn deklaratsııalaýǵa arnalǵan jaǵdaıda toltyrylady.
29. 3-qosymshanyń 14-bóliminde:
1) A jolynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V jolynda - bank tirkelgen eldiń ataýy;
3) S jolynda - SWIFT BIC (segiz nemese on bir mándi áripti-tsıfrlyq kod) bolyp tabylatyn, shot (-tar) ashylǵan banktiń banktik sáıkestendirý kodyn (BSK) kórsetýge arnalǵan, ol bolmaǵan kezde el ishinde qolda bar basqa sáıkestendirýshi (mysaly: ABA, BLZ júıeleri jáne basqa) kórsetiledi. Banktik sáıkestendirý kody bank shotynyń shartynda jáne "Bank derektemeleri" degen bólimdegi banktiń veb-saıtynda;
4) D baǵanynda - shot (-tar) ashylǵan valıýtanyń kodyn kórsetýge arnalǵan. Valıýta kody sheshimmen bekitilgen "Valıýta jikteýishteri" degen 23 qosymshada belgilengen úsh mándi áripti kodtaýǵa sáıkes kórsetiledi;
5) E baǵanynda - banktik sáıkestendirý kody V baǵanynda kórsetilgen bankte (bank fılıalynda) S baǵanynda kórsetilgen shetel valıýtasynda ashylǵan barlyq bank shottary boıynsha qalǵan aqshanyń jalpy somasyn kórsetýge arnalǵan. Kelesi jumys kúnine aýysatyn esepti kúnniń jergilikti ýaqytyndaǵy saǵat 24:00 jaǵdaıy boıynsha qalǵan soma kórsetiledi.
30. "Debıtorlyq/kredıtorlyq bereshekterdiń, onyń ishinde Qazaqstan Respýblıkasynyń sheginen tys jerlerde, bolýy týraly málimetter" degen bólimi, eger 250.00-deklaratsııasynyń negizgi nysanynyń 15-joly belgilengen jáne bankter jáne bank qyzmeti týraly Qazaqstan Respýblıkasynyń zańnamasyna sáıkes qurylǵan bank operatsııalarynyń jekelegen túrlerin júzege asyratyn bankter men uıymdarǵa bereshekti qospaǵanda, talaptyń nemese mindettemeniń týyndaýyna negizdeme bolyp tabylatyn shart nemese ózge qujat bolǵan kezde Salyq kodeksinde belgilengen mólsherde Sizdiń (debıtorlyq bereshekter) aldyńyzda basqa tulǵalardyń bereshekterin jáne Sizdiń basqa tulǵalardyń aldynda bereshekterińizdi (kredıtorlyq bereshekter) deklaratsııalaýǵa arnalǵan jaǵdaıda toltyrylady.
31. 3-qosymshanyń 15-bóliminde:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - debıtorlyq jáne (nemese) kredıtorlyq bereshekter túri. Bul rette, debıtorlyq bereshek bolǵan jaǵdaıda "D" árpi beınelenedi, al kredıtorlyq bereshek kezinde "K" árpi;
3) S baǵanynda - debıtor/kredıtor tirkelgen eldiń ataýy kórsetiledi;
4) D baǵanynda - Qazaqstan Respýblıkasynyń jeke tulǵa-azamatynyń jeke sáıkestendirý nómirin nemese Qazaqstan Respýblıkasynyń zańdy tulǵasynyń bıznes sáıkestendirý nómirin, nemese bereshegi qujatpen rastalǵan debıtor (boryshker) bolyp tabylatyn Qazaqstan Respýblıkasynyń sheginen tys jerlerde tirkelgen tulǵanyń basqa da sáıkestendirý nómirin kórsetýge arnalǵan;
5) E baǵanynda - bereshek nomınaldanǵan valıýtanyń kodyn kórsetýge arnalǵan. Valıýta kody sheshimmen bekitilgen "Valıýta jikteýishteri" degen 23-qosymshada belgilengen úsh mándi áripti kodtaýǵa sáıkes kórsetiledi;
6) F baǵanynda - eseptelgen syıaqy somasymen (paıyz) qosa, bereshekter somasy kórsetiledi .
32. "Baǵaly qaǵazdardyń bolýy týraly málimetter, onyń ishinde Qazaqstan Respýblıkasynyń sheginen tys jerlerde" degen bólimi, eger 250.00-deklaratsııasynyń negizgi nysanynyń 16-joly belgilengen jáne onyń ishinde Qazaqstan Respýblıkasynyń sheginen tys jerlerde ornalasqan baǵaly qaǵazdardy (ınvestıtsııalyq paı qorlaryndaǵy paılaryn qospaǵanda) deklaratsııalaýǵa arnalǵan jaǵdaıda toltyrylady.
33. 3-qosymshanyń 16-bóliminde:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - baǵaly qaǵazdar emıssııasynyń ulttyq sáıkestendirý nómiri;
3) S baǵanynda - baǵaly qaǵazdar shyǵarylǵan eldiń ataýy;
4) D baǵanynda - deklaratsııa berýshige tıesili baǵaly qaǵazdar sany;
5) E baǵanynda - basqa tulǵaǵa senimgerlik basqarýǵa berilgen baǵaly qaǵazdar sany;
6) F baǵanynda - bir baǵaly qaǵazdy satyp alý baǵasy;
7) G baǵanynda - baǵaly qaǵazdar satyp alynǵan valıýta kody kórsetiledi. Valıýta kody sheshimmen bekitilgen "Valıýta jikteýishteri" degen 23-qosymshada belgilengen úsh mándi áripti kodtaýǵa sáıkes kórsetiledi.
6-taraý. Jeke tulǵanyń aktıvteri men mindettemeleri týraly deklaratsııaǵa 250.04-nysanyn (4-qosymsha) jasaý
Deklaratsııaǵa 4-qosymsha "Investıtsııalyq paı qorlaryndaǵy paılarynyń bolýy týraly málimetter, onyń ishinde Qazaqstan Respýblıkasynyń sheginen tys jerlerde" degen bólimnen jáne "Basqa da múliktiń bolýy týraly málimetter, onyń ishinde Qazaqstan Respýblıkasynyń sheginen tys jerlerde" degen bólimnen turady.
34. "Investıtsııalyq paı qorlaryndaǵy paılarynyń bolýy týraly málimetter, onyń ishinde Qazaqstan Respýblıkasynyń sheginen tys jerlerde" degen bólim, eger 250.00-deklaratsııasynyń negizgi nysanynyń 17-joly belgilengen jáne Qazaqstan Respýblıkasynyń sheginen tys jerlerde ınvestıtsııalyq paı qorlaryndaǵy paılardy deklaratsııalaýǵa arnalǵan jaǵdaıda toltyrylady.
35. 4-qosymshanyń 17-bóliminde:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - ınvestıtsııalyq paı qorlaryndaǵy paılardyń emıssııasynyń sáıkestendirý nómiri, onyń ishinde Qazaqstan Respýblıkasynyń sheginen tys jerlerde tirkelgeni;
3) S baǵanyda - ınvestıtsııalyq paı qory tirkelgen eldiń ataýy;
4) D baǵanynda - deklaratsııa berýshige tıesili paılar sany;
5) E baǵanynda - basqa tulǵaǵa senimgerlik basqarýǵa berilgen paılar sany;
6) F baǵanynda - paılar shyǵarylǵan valıýta kody kórsetiledi. Valıýta kody sheshimmen bekitilgen "Valıýta jikteýishteri" degen 23-qosymshada belgilengen úsh mándi áripti kodtaýǵa sáıkes kórsetiledi;
7) G baǵanynda - paılardyń nomınaldyq quny kórsetiledi.
36. "Basqa da múliktiń bolýy týraly málimetter, onyń ishinde Qazaqstan Respýblıkasynyń sheginen tys jerlerde" degen bólim, eger 250.00-deklaratsııasynyń negizgi nysanynyń 18-joly belgilengen jáne mynadaı múlikterdi Qazaqstan Respýblıkasynyń sheginen tys jerlerde deklaratsııalaýǵa arnalǵan jaǵdaıda:
tirkeýge jatatyn nemese quqyǵy (mámileler) Qazaqstan Respýblıkasynyń zańnamasyna nemese shet memlekettiń memlekettik organdarynda osy memlekettiń zańnamasyna sáıkes tirkeýge jatatyn, deklaratsııanyń 1-3-qosymshalarynda kórsetilmegen múlikti;
mádenı qundylyqtar - Ulttyq mádenı ıgilik obektileriniń memlekettik tizilimine mádenıet týraly Qazaqstan Respýblıkasynyń zańnamasynda aıqyndalǵan tártippen engizýdi rastaıtyn qujattyń negizinde;
bıologııalyq aktıvter - mundaı aktıvterge menshik quqyǵyn rastaıtyn veterınarlyq tólqujattyń nemese ózge de qujat, onyń ishinde aýyl, kent ákimdikteriniń sharýashylyq boıynsha esepke alý júıesindegi jazbanyń negizinde;
qymbat baǵaly tastar men qymbat baǵaly metaldarǵa, olardan jasalǵan zergerlik buıymdarǵa, jáne qymbat baǵaly tastar men qymbat baǵaly metaldary bar basqa da zattarǵa, sondaı-aq óner týyndylary men antıkvarıatqa, atalǵan múliktiń bir birligi úshin baǵasy (quny) Salyq kodeksinde belgilengen shekten artqan jaǵdaıda - mundaı múliktiń qunyn rastaıtyn qujattardyń negizinde;
joǵaryda kórsetilmegen ózge múlikke - Qazaqstan Respýblıkasynyń baǵalaý qyzmeti týraly zańnamasyna sáıkes baǵalaýshy men salyq tóleýshi arasyndaǵy shart boıynsha ótkizilgen baǵalaý týraly esepte aıqyndalǵan qundy qosa, mundaı múliktiń qunyn rastaıtyn qujattyń nemese mundaı múlikke menshik quqyǵyn rastaıtyn qujattyń negizinde toltyrylady.
37. 4-qosymshanyń 18-bóliminde:
1) A baǵanynda - toltyrylatyn joldyń rettik nómiri (mysaly, 1, 2 jáne taǵy basqalar);
2) V baǵanynda - múliktiń ataýy;
3) S baǵanynda - V baǵanynda kórsetilgen múliktiń sany;
4) D baǵanynda - V baǵanynda kórsetilgen múlik tirkelgen eldiń ataýy kórsetiledi;
5) E baǵanynda - eger V jolynda kórsetilgen múlik (obekt) senimgerlik basqarýǵa berilgen jaǵdaıda, "H" belgilenedi.
