Jeke tulǵalarǵa avtobýstar men shaǵyn avtobýstarǵa ıelik etýge tyıym salý usynyldy
«Joldaǵy qozǵalystyń qaýipsizdigine yqpal etetin kezekti faktor jolaýshylardy zańsyz tasymaldaýǵa baılanysty. Bundaı tasymaldar vokzaldar men bazarlar mańynda, sondaı-aq halyq kóptep jınalatyn ózge de oryndarda stıhııalyq jáne ashyq túrde damyp keledi. Biz jolaýshylardy zańsyz tasymaldaýdyń eki myńnan astam faktisin anyqtadyq», - dedi QR Bas prokýratýrasynyń departament basshysy Qanat Seıdǵapbarov.
Osy oraıda prokýratýra ókili olar salyqty tóleýden jaltarýmen qatar, qaýipsizdiktiń qarapaıym erejelerin elemeı júrgendigin atap ótti.
Onyń sózine qaraǵanda, zańsyz tasymaldaýshylardyń naqty sanyn anyqtaý múmkin bolmady, alaıda bul turǵyda shamamen 30 myńnan 50 myńǵa deıin júrgizýshiler men olardyń kólik quraldary qyzmet kersetýde. Osy naryqtyń damýyna Qazaqstandaǵy avtobýs parkiniń 60 paıyzy jeke tulǵalardyń úlesinde bolýy jaǵdaı jasap otyr.
«Osyǵan baılanysty jeke tulǵalarǵa avtobýstar men shaǵyn avtobýstarǵa ıelik etýge tyıym salý múmkindigin qarastyrý usynylady. Bundaı quqyqty (avtobýstarǵa ıelik etý) jeke kásipkerler men zańdy tulǵalarǵa ǵana berý eskerilýi kerek»,-dedi Q. Seıdǵapbarov.
