Jeke tulǵalardyń múlik pen tabysqa qatysty jalpylama deklaratsııasy 2015 jyly engiziledi - Qarjy mınıstrligi
ASTANA. 4 jeltoqsan. QazAqparat -Qazaqstanda 2015 jyldan bastap jeke tulǵalardyń tabysyna jáne múlkine qatysty deklaratsııa engizý josparlanýda. Bul týraly búgin Astanada ótip jatqan dóńgelek ústel jıyny barysynda QR Qarjy vıtse-mınıstri Rýslan Dálenov málim etti.
Vıtse-mınıstrdiń sózine qaraǵanda, Qazaqstanda jalpylama deklaratsııalaýdy satylap engizý kózdelip otyr. «Atap aıtqanda, 2015 jyldan bastap memlekettik qyzmetkerler, ulttyq kompanııalar jumysshylary, memlekettik mekeme men memlekettik kásiporyndar qyzmetkerlerine aktıvter men mindettemeler týraly deklaratsııalaryn usyný engiziledi», - dedi R. Dálenov.
Onyń aıtýynsha, 2016 jyldan bastap deklaratsııany basqa da jeke tulǵalarǵa jalpylama engizilý qarastyrylsa, 2017 jyly barlyq jeke tulǵalardyń deklaratsııa usynýǵa ótý kezeńi tolyqqandy júzege asatyn bolady.
