Jeke tulǵalardyń ıpotekalyq qaryzdary teńgemen qaıta qarjylandyrylady - UB
Atap aıtqanda, Ulttyq bank málimetinshe, ıpotekalyq qaryzdardy qaıta qarjylandyrý baǵdarlamasy eki bólikten turady. Baǵdarlamanyń birinshi bóligi 2004 jyldan bastap 2009 jyl aralyǵyndaǵy kezeńde qaryz alǵan ıpotekalyq qaryz alýshylarǵa qoldaý kórsetýge baǵyttalǵan. Atalǵan qaryzdardy qaıta qarjylandyrýǵa Qazaqstan Ulttyq banki 130 mlrd teńge bóldi. 2019 jylǵy 10 aqpandaǵy jaǵdaı boıynsha baǵdarlama aıasynda bankter 161,1 mlrd teńge somaǵa 26 021 qaryzdy maquldap, 141,1 mlrd teńge somaǵa 24 195 qaryzdy qaıta qarjylandyrdy.
Baǵdarlamanyń ekinshi bóliginde Qazaqstan Ulttyq bankiniń 2015 jylǵy 18 tamyzdaǵy baǵamy boıynsha 2016 jylǵy 1 qańtarǵa deıin alynǵan jeke tulǵalardyń valıýtalyq ıpotekalyq qaryzdaryn teńgemen qaıta qarjylandyrý kózdelip otyr. 2019 jylǵy 10 aqpanda bankter valıýtalyq qaryzdardy qaıta qarjylandyrý úshin 53,6 mlrd teńge somaǵa 6 361 ótinimdi maquldap, 38,6 mlrd teńge somaǵa 4 917 qaryzdy qaıta qarjylandyrdy.
Ulttyq bank basqarmasynyń 2018 jylǵy 25 jeltoqsandaǵy № 310 qaýlysymen bankter valıýtalyq ıpotekalyq qaryzdardy qaıta qarjylandyrý merzimi 2019 jylǵy 15 shildege deıin ǵana uzartyldy. Qaryz alýshynyń/qosa qaryz alýshynyń qaryzdy qaıta qarjylandyrýǵa ótinish berý merzimi 2019 jylǵy 1 shildeni qosa alǵanǵa deıin belgilendi. Qaryzdyń baǵdarlama talaptaryna sáıkestigin anyqtaý úshin qaryz alýshylarǵa kredıtor bankke ótinish berý qajet», - dep atap ótedi bankten.
