Jeke tulǵalardyń shetelden jańa kólikti shekteýsiz ákelýi bıýdjetke jaqsy – Qarjy vıtse-mınıstri
ASTANA. KAZINFORM – Qarjy mınıstriniń orynbasary Erjan Birjanov Májiliste ótip jatqan Úkimet saǵatynyń aldynda shetelden 3 jylǵa deıingi jańa kólikterdi elge ákelýdiń jańa tártibi týraly pikir bildirdi.

Buǵan deıin Qarjy mınıstri Mádı Takıev atalǵan máseleni salalyq mınıstrlik mamandary taǵy bir pysyqtap, apta ishinde túbegeıli sheshim shyǵaratynyn aıtqan edi.
«Biz Ónerkásip jáne qurylys mınıstrliginiń túsindirmesin halyqqa jetkizdik. Bul saıasat nege sol mınıstrlik tarapynan júrgiziledi. Qaýipsizdik sharalaryn, qadaǵalaý, sertıfıkattaý qalaı bolatynyn, bárin jınap, túsindirme retinde salyq tóleýshilerge jetkizip jatyrmyz. Biraq túpkilikti másele salalyq zańnama arqyly retteletin bolǵandyqtan. Bizden basqa eki mınıstrlik túsindirme jumystaryn júrgizý kerek bolǵan. Relız taratyp, solaı jumys isteımiz dep kelisken bolatynbyz. Árıne, halyq shýlamaý úshin salmaqty sheshim qabyldaný kerek dep oılaımyz», - dedi Erjan Birjanov.
Vıtse-mınıstr bul bir aptanyń ishinde sheshim qabyldaı salatyn másele emes ekenin aıtady.
«Bul máseleni sheshý úshin zańnamadaǵy ózgeristerdi dep qarastyrý kerek. Sebebi ol bir aptada qabyldanatyn másele emes. Jeke tulǵalarǵa kóliktiń qaýipsizdigin qamtamasyz etý úshin SBKTS (kólik quraly konstrýktsııasynyń qaýipsizdigi týraly kýálik) degen qujat beriledi. Al zańdy tulǵalarǵa OTTS (kólik quralynyń tıpin maquldaý sertıfıakaty) degen qujat beriledi. Ekinshiden, OTTS-ti alý úshin deklarant kólikti óz atyna rásimdeý kerek. ıAǵnı, senimhat arqyly emes óz atyna tirkep qana ákele alady. Sol suraq týyndap tur. Úshinshi suraq bir jeke tulǵa bir jylda bir kólik qana kirgize alady degen másele. Biraq Keden kodeksine baılanysty eki rejım kórsetilgen. Biri – jolaýshy deklaratsııasy arqyly. Jalpyǵa birdeı taratylǵan rejım boıynsha da keden jáne salyq tólemderin toltyryp kirgize alady. Bul jerde silteme jasalyp júrgen 2015 jylǵy buıryqtyń máni mynada. Mysaly, ushaqpen basqa elden kirgende ózińizben birge eki IPone nemese bir ton ǵana kirgize alasyz. Odan kóp bolsa kedendik rásimnen tolyq ótkizý kerek degen talap qoıylyp jatady. Eger kedendik rásimderdi tólese, jeke tulǵalar jalpyǵa birdeı rejımmen de toltyra alady. Bul bıýdjetti jaqsy – aqsha túsedi. Sondyqtan shekteý jaǵdaılaryn engizý talqylaýǵa jatatyn másele dep otyrmyz», - dedi Qary mınıstriniń orynbasary.
Osyǵan deıin BAQ-ta 1 jeltoqsannan bastap jeke tulǵalardyń shetelden 3 jylǵa deıingi jańa kólik kirgizýine tosqaýyl qoıylatyny týraly málimet tarap jatqanyna baılanysty Qarjy mınıstri Mádı Takıev osy aqparatqa túsinikteme bergen edi.