Jeke tulǵalar salyqtyq qaryzdary týraly málimetti endi bankomat arqyly bile alady - Salyq komıtetiniń tóraǵasy
ALMATY. 14 qańtar. QazAqparat /Erlik Erjanuly/ - Salyq komıteti jeke tulǵalardy salyqtyq qaryzdarymen qulaǵdar etip otyrý úshin qazir banktermen jumys júrgizip jatyr.
Ony komıtet tóraǵasy Dáýlet Erǵojın búgin Almatyda «Sandj» zerteý ortalyǵynyń salyq tóleýshiler arasynda júrgizilgen áleýmettik zerteýiniń qorytyndysyn jarııalaýǵa arnalǵan dóńgelek ústel jıynynda aıtty.
«Salyq qyzmetin odan ary reformalaý maqsatynda aǵymdaǵy jyldyń qańtarynda Dúnıejúzilik bankpen salyq tóleýshelerdi qajetti aqparatpen qamtamasyz etýge baǵyttalǵan kelisim ratıfıkatsııalandy. Jeke tulǵalardyń salyqtyq qaryzdary týraly aqparatty bankomat arqyly bilýi úshin jańa qyzmet engizilmek. Bank óz klıentterin salyqtyq qaryzdary týraly habardar ete alatyn bolady. Sondaı-aq jeke jáne zańdy tulǵalar ózge múmkindikteri bolmaǵan jaǵdaıda kártishkesi ne elektrondyq qoly bolsa salyq organdarynyń qyzmetine bankomat arqyly elektrondyq shaǵym jasaı alatyn bolady», - deıdi Dáýlet Erǵojın.
