Jeke tulǵalar qaryzdaryn 250-nysandaǵy dekalartsııada kórsetýi qajet pe

ASTANA. KAZINFORM — Bıyl jeke praktıkamen aınalysatyn tulǵalar 2 deklaratsııa tapsyrady. Bul týraly Qarjy mınıstrliginiń Memlekettik kirister komıteti Jeke tulǵalardyń kiristerin ákimshileý basqarmasynyń bas sarapshysy Ersaıyn Kóptileýuly aıtty.

— Debıtorolyq-kredıtorlyq qaryzǵa toqtala keteıin. Eger jeke tulǵa men jeke tulǵa arasynda qandaı da bir notarıýspen rásimdelgen qaryz sharttary bolsa, onda ony 250-nysanda kórsetý qajet. Sonymen qatar normaǵa engizilgen jańa ózgeristerge sáıkes, eger zańdy tulǵa men jeke tulǵanyń arasynda qandaı da bir debıtorlyq-kredıtorlyq sharttar bolsa jáne ol salystyrmaly aktimen dáleldense, onda jeke tulǵa ony da deklaartsııada kórsete alady, — dedi ol. 

Sonymen qatar bas sarapshy eseptik jyl úshin tapsyrylatyn kirister men múlikter dep atalatyn 270-nysanǵa toqtaldy. 

— Jańa tujyrymdamaǵa sáıkes, kirister men múlikter týraly deklaratsııa tapsyratyn azamattardyń da tizbesi qysqardy. Bul nysandy jylda tapsyrýǵa myna tulǵalar mindetti: memlekettik qyzmetkerler jáne olardyń jubaılary, memlekettik qyzmetke teńestirilgen tulǵalar jáne olardyń jubaılary; bankterdiń, saqtandyrý qorlarynyń iri qatysýshylary jáne olardyń rezıdent jubaılary; zańdy tulǵalardyń basshylary jarǵylyq kapıtaldaǵy úlesi 10 paıyzdan asatyn quryltaıshylary men qatysýshylary. Eskere keterlik jaıt, kommertsııalyq emes zańdy tulǵalardyń quryltaıshylary men qatysýshylar bul nysandy tapsyrýdan bosatylady. Jeke praktıkamen aınalysatyn advokattar, notarıýstar, medıatorlar, jeke sot oryndaýshylary bıyl 2 deklaratsııa tapsyrady: aktıvter men mindettemeler jáne kirister men múlikter týraly, — dedi Ersaıyn Kóptileýuly.