Jeke tulǵa 22,3 mlrd teńgesin «Qazaqstan halqyna» qoryna aýdardy

ASTANA. QazAqparat – Bıylǵy І jartyjyldyqta «Qazaqstan halqyna» qory 55 mlrd teńgege 12 qaıyrymdylyq baǵdarlamasy men jobasyn iske qosty. Bul týraly qordyń Qamqorshylyq keńesiniń kezekti otyrysynda aıtyldy, dep habarlaıdy QazAqparat.

Baspasóz qyzmetinen málim etkendeı, qordyń atqarýshy organy – basqarma bıyl 31 otyrys ótkizip, onda barlyǵy 3466 ótinim men jeke tulǵalardyń ótinishteri qaraldy. 2022 jyldaǵydaı ótinish berýshilerdiń kópshiligi densaýlyq saqtaý, bilim berý jáne áleýmettik qoldaý salalary boıynsha qordyń qoldanystaǵy baǵdarlamalary men jobalary aıasynda kómek suraǵan.

Alty aıda qorǵa 23,4 mlrd teńge, onyń ishinde jeke tulǵa V. V. Anısımovtan 22,3 mlrd teńge, «Sátti Juldyz» AQ-dan 1,05 mlrd teńge, jeke tulǵalardan 12,2 mln teńge tústi. Qor 24,6 mlrd teńge kóleminde qaıyrymdylyq kómek kórsetti.

Tolyq esep «Qazaqstan halqyna» qorynyń saıtynda jarııalanǵan.