Jeke tikushaq Onega kóline qulap tústi
ASTANA. Naýryzdyń 11-i. QazAqparat - Karelııada jeke Robinson R44 apatqa ushyrady,
dep habarlady RBK agenttigi.
Tótenshe jaǵdaılar mınıstrliginen habarlaǵandaı, tótenshe oqıǵa máskeý ýaqytymen saǵat 14:00-te Petrozavod qalasynan soltústik-batysqa qaraı 30 shaqyrym jerde bolǵan. Jeke tikushaq apatqa ushyrap, Onega kóline jaǵalaýdan 7 shaqyrym qashyqtyqta qulady.
Oqıǵa saldarynan 2 adam mert boldy. Olardyń aty-jónderi habarlanǵan joq. Tikushaqtyń kimdiki ekeni de aıtylǵan joq.
Qutqarý operatsııalaryna 22 adam jáne 10 birlik tehnıka qatystyryldy. Apattyń sebepterin anyqtaý úshin tergeý amaldary júrgizilýde.
