Jeke taýarlardy bajsyz ákelýdiń qundyq jáne salmaqtyq shegi ósti

NUR-SULTAN. QazAqparat - Taýarlardy bajsyz ákelýdiń qundyq jáne salmaqtyq jańa ulǵaıtylǵan shekteri bıylǵy 1 qazanǵa deıin qoldanylady. Bul týraly Memlekettik kirister komıteti málim etti, dep habarlaıdy QazAqparat.

Eýrazııalyq ekonomıkalyq komıssııa keńesiniń «Jeke paıdalanýǵa arnalǵan taýarlarǵa baılanysty jekelegen máseleler týraly» sheshimine engizilgen bul ózgerister búginnen bastap kúshine endi. Onda Eýrazııalyq ekonomıkalyq odaqtyń kedendik aýmaǵyna áýe kóliginen erekshelenetin kólik túrlerimen jeke paıdalanýǵa arnalǵan taýarlardy bajsyz ákelýdiń qundyq jáne salmaqtyq shekterin 500 evrodan 1000 evroǵa deıin jáne

25 kg-nan 31 kg-ǵa deıin arttyrý kózdelgen.

«Jeke paıdalanýǵa arnalǵan taýarlardy bajsyz ákelý shegin ýaqytsha arttyrý Qazaqstan, Belarýs, Qyrǵyz respýblıkalary men Reseı Federatsııasy úshin engiziledi. Armenııa Respýblıkasynda bul shekter burynǵy deńgeıde qalady. Eger bagajda ákelinetin jeke paıdalanýǵa arnalǵan taýarlardyń quny 1000 evro somasynan asatyn bolsa jáne olardyń salmaǵy 31 kg-nan asyp ketse, alýshy kedendik bajdy qunynyń 30% mólsherinde, biraq qundyq jáne salmaqtyq normalardan asyp ketý bóligindegi salmaq boıynsha
1 kg úshin 4 evrodan kem emes mólsherde tóleýi qajet», - dep túsindirgen vedomstvodan.