Jeke tabys salyǵy boıynsha deklaratsııany 31 naýryzdan keshiktirmeı tapsyrý qajet
NUR-SULTAN. QazAqparat - Memlekettik kirister komıteti 2021 jyldyń deklaratsııalaý naýqany jalǵasyp jatqanyn eske saldy, dep habarlaıdy QazAqparat.
2020 jyly múliktik tabys alǵan jaǵdaıda, jeke tabys salyǵy boıynsha deklaratsııany (240.00-nysan) 2021 jyldyń 31 naýryzynan keshiktirmeı tabys etý qajet.
JTS deklaratsııasyn jeke tulǵalar, onyń ishinde múliktik jáne basqa tabys alǵandar, sondaı-aq Qazaqstan Respýblıkasynan tys jerde jyljymaıtyn múligi, baǵaly qaǵazdary, zańdy tulǵaǵa qatysý úlesi bar jeke tulǵalar tapsyrady.
Mundaı kiristen jeke tabys salyǵyn esepteý 10% mólsherlemesi boıynsha derbes júrgiziledi jáne 2021 jyldyń 10 sáýirinen keshiktirmeı tólenýge tıis.
Deklaratsııany jeke tulǵanyń tirkelgen jeri boıynsha tapsyrý kerek.
