Jeke tabys salyǵy boıynsha deklaratsııa tapsyrýdyń tártibi qandaı

Eske sala keteıik, 31 naýryzda qazaqstandyqtardyń salyq deklaratsııalaryn ótkizýiniń kezekti merzimi bastalady.

«Salyq kodeksiniń» 363-babyna sáıkes, bul deklaratsııany jeke kásipkerler, jeke praktıkamen aınalysatyn tulǵalar, múliktik tabysqa ıe bolǵan tulǵalar, Qazaqstan Respýblıkasynan tys kózderden tabys túsirgen azamattar, memlekettik qyzmetshiler jáne basqalar ótkizýi tıis.

Salyq kodeksiniń 217-baby 1 jáne 2-tarmaqtaryna sáıkes, Qazaqstan Respýblıkasynda turaqty bolatyn; Qazaqstan Respýblıkasynda turaqty bolmaıtyn, biraq ómirlik mańyzdy múddeleriniń ortalyǵy Qazaqstan Respýblıkasynda bolatyn jeke tulǵa bir mezgilde mynadaı sharttardy oryndaǵan kezde Qazaqstan Respýblıkasynyń rezıdenti bolyp tanylady:

1) jeke tulǵada Qazaqstan Respýblıkasynyń azamattyǵy nemese Qazaqstan Respýblıkasynda turýǵa ruqsaty (yqtııar haty) bolsa;

2) jeke tulǵanyń jubaıy (zaıyby) jáne (nemese) jaqyn týystary Qazaqstan Respýblıkasynda tursa;

3) Qazaqstan Respýblıkasynda jeke tulǵanyń kez-kelgen ýaqytta turýy jáne (nemese) jubaıynyń (zaıybynyń) jáne (nemese) onyń jaqyn týystarynyń turýy úshin qoljetimdi, oǵan jáne (nemese) jubaıyna (zaıybyna) jáne (nemese) onyń jaqyn týystaryna menshik quqyǵynda nemese ózge de negizderde tıesili jyljymaıtyn múlki bolsa, jeke tulǵanyń ómirlik múddeleriniń ortalyǵy Qazaqstan Respýblıkasynda dep tanylady.

Qazaqstan Respýblıkasynyń azamaty bolyp tabylatyn jeke tulǵa, sondaı-aq Qazaqstan Respýblıkasynyń azamattyǵyna qabyldaý týraly nemese Qazaqstan Respýblıkasynyń azamattyǵyn qabyldamaı Qazaqstan Respýblıkasynda turaqty turýǵa ruqsat etý týraly ótinish bergen:

1) memlekettik bılik organdary shet elge issaparǵa jibergen jeke tulǵa, onyń ishinde dıplomatııalyq, konsýldyq mekemelerdiń, halyqaralyq uıymdardyń qyzmetkeri, sondaı-aq atalǵan jeke tulǵanyń otbasy músheleri;

2) turaqty halyqaralyq tasymaldardy júzege asyratyn Qazaqstan Respýblıkasynyń zańdy tulǵalaryna nemese azamattaryna tıesili kólik quraly ekıpajynyń múshesi;

3) Qazaqstan Respýblıkasynyń sheginen tys jerlerge kóshirilgen Qazaqstan Respýblıkasy áskerı bólimderiniń nemese áskerı quramalarynyń áskerı qyzmetshileri men azamattyq personaly;

4) Qazaqstan Respýblıkasynyń sheginen tys jerlerdegi jáne Qazaqstan Respýblıkasynyń nemese Qazaqstan Respýblıkasy sýbektileriniń menshigi bolyp tabylatyn obektilerde (onyń ishinde kontsessııalyq sharttar negizinde) jumys isteıtin;

5) oqý, onyń ishinde taǵylymdamadan nemese praktıkadan ótý, emdelý nemese saýyqtyrý, profılaktıkalyq rásimderden ótý maqsatynda, oqý, onyń ishinde taǵylymdamadan nemese praktıkadan ótý, emdelý nemese saýyqtyrý, profılaktıkalyq rásimderden ótý kezeńinde Qazaqstan Respýblıkasynyń sheginen tys jerlerde bolatyn jeke tulǵa;

6) sabaq berý, konsýltatsııalar berý nemese ǵylymı jumystardy júzege asyrý maqsatynda atalǵan qyzmetterdi (jumystardy) kórsetý (oryndaý) kezeńinde Qazaqstan Respýblıkasynyń sheginen tys jerlerde bolatyn oqytýshy jáne (nemese) ǵylymı qyzmetker Qazaqstan Respýblıkasynda turǵan ýaqytyna jáne osy bapta kózdelgen basqa da kez kelgen ólshemsharttarǵa qaramastan, rezıdent-jeke tulǵa dep tanylady.

Osylaısha, eger jeke tulǵa Salyq kodeksiniń maqsattarynda Qazaqstan Respýblıkasynyń rezıdenti bolyp tanylsa, onda salyqtyq esep ótkizý boıynsha mindetteme týyndaıdy.

Sonymen birge, jeke tabys salyǵy boıynsha deklaratsııany mynadaı rezıdent-salyq tóleýshiler ótkizedi:

- Qazaqstan Respýblıkasy aýmaǵynan tys jerdegi kózderden tabys tapqan jeke tulǵalar;

- Esepti salyqtyq kezeńniń 31 jeltoqsanyndaǵy jaǵdaı boıynsha QR sheginen tys jerdegi shetel bankterindegi bank shottarynda respýblıkalyq bıýdjet týraly zańda belgilengen jáne esepti salyqtyq kezeńniń 31 jeltoqsanynda qoldanysta bolatyn eń tómen jalaqynyń 12 eselengen mólsherinen asatyn somada aqshasy bar Qazaqstan Respýblıkasynyń azamattary, oralmandar jáne Qazaqstan Respýblıkasynda turýǵa yqtııarhaty bar adamdar;

Esepti salyqtyq kezeńniń 31 jeltoqsanyndaǵy jaǵdaı boıynsha menshik quqyǵynda mynadaı múlki bar Qazaqstan Respýblıkasynyń azamattary, oralmandar jáne Qazaqstan Respýblıkasynda turýǵa yqtııarhaty bar adamdar:

- shet memlekettiń zańnamasyna sáıkes shet memlekettiń quzyretti organynda (quqyqtary jáne (nemese) mámileleri) memlekettik nemese ózge de tirkeýge (esepke alýǵa) jatatyn jyljymaıtyn múlik;

- emıtentteri Qazaqstan Respýblıkasynyń sheginen tys jerde tirkelgen baǵaly qaǵazdar;

- Qazaqstan Respýblıkasynyń sheginen tys jerde tirkelgen zańdy tulǵanyń jarǵylyq kapıtalyna qatysý úlesi bar tulǵalar jeke tabys salyǵy boıynsha deklaratsııa tapsyrady.

«Quqyqtyq aktiler týraly» Qazaqstan Respýblıkasy Zańynyń (budan ári - Quqyqtyq aktiler týraly zań) 43-baby 1-tarmaǵyna sáıkes normatıvtik quqyqtyq akt qoldanysqa engizilgenshe eshqandaı qatystarta qoldanylmaıdy.

Quqyqtyq aktiler týraly zańnyń kórsetilgen normalaryn eskere otyryp 2017 jylǵy jeke tabys salyǵy boıynsha deklaratsııany Engizý týraly zańnyń 33-babynda baıandalǵan redaktsııasynda qoldanylatyn Salyq kodeksiniń 363-babynyń 1-tarmaǵynda kórsetilgen tulǵalar tabys etedi.

Joǵaryda kórsetilgenderdiń negizinde, eger Salyq kodeksiniń maqsattarynda jeke tulǵa Qazaqstan Respýblıkasynyń rezıdenti bolyp tanylsa, jeke tabys salyǵy boıynsha deklaratsııany (240.00 nysanyn):

- Qazaqstan Respýblıkasynyń sheginen tys jerdegi kózderden kirister alǵan;

- Qazaqstan Respýblıkasynyń sheginen tys jerdegi shetel bankterindegi banktik shottarynda esepti salyqtyq kezeńniń 31 jeltoqsanynda qoldanysta bolatyn eń tómen jalaqynyń 12 ETJ (2017 jyl úshin - 293 508 teńge) asatyn somada aqshasy bar, nemese Qazaqstan Respýblıkasynyń sheginen tys jerdegi múlik bar Qazaqstan Respýblıkasynyń azamattary, oralmandar jáne Qazaqstan Respýblıkasynda turýǵa yqtııarhaty bar tulǵa tapsyrýǵa mindetti.

2017 jyl úshin deklaratsııa 2018 jyldyń 31 naýryzyna deıin tapsyrylýy tıis.