Jeke sot oryndaýshylarynyń jumysyn yntalandyrý úshin tólemniń saralanǵan stavkasy engizilmek

Búgin Májiliste ótken Úkimet saǵatynda baıandama jasaǵan Ádilet mınıstri Berik Imashev osylaı aıtty.  

«Sot oryndaýshysynyń atqarǵan somasy men ony atqarýdyń túrine oraı 5-25 paıyz stavkasymen yntalandyrý aqysy esepteletin bolady. Bul rette qaryz somasy joǵary bolǵan saıyn, stavka tómendeı túsedi», - dedi mınıstr. Onyń sózine qaraǵanda, búgingi kúni sot oryndaýshylary salasynda problemalar barshylyq. «Máselen, eger «Atqarýshylyq óndiris týraly» 1998 jylǵy zańǵa sáıkes, bir sýdıaǵa bir sot oryndaýshysynan kelgen bolsa, qazir 2 myń 241 sýdıaǵa 1 myń 474 sot oryndaýshylarynan kelip otyr. Al jyl saıynǵy júkteme budan da zor. Máselen, bir sot atqarýshysyna bir aıǵa shamamen 98 óndiristik isten tıedi. Al qalyptasqan norma 22 bolýy shart edi», - deıdi vedomstvo basshysy.